富田和食亭 (已結業)

今次同男友黎到藍田覓食呀。 見到呢間屋村放題好受歡迎咁..價錢都唔貴.. 一於去試下。我同男友8點半入座，每位都係$148 座位好寬闊..去到10點... 依然係好多人！刺身 一定要叫啦！雖然咁平..但刺身好新鮮，同埋無漏單梅酒清酒啤酒汽水烏龍茶任飲 我呢個梅酒控 要讚一讚 梅酒好濃味..無溝水！ 甜甜地 好飲 我自己都飲左兩大支.. 中華沙津 壽司 饅魚壽司唔腥 配埋饅魚汁好好食呀 揚物好驚喜！ 點左日式炸雙皮奶 紫心芋圓 芝士年糕 炸帶子 一口芝士炸雞！！全部都好好食！ 全部都新鮮炸起.. 唔洗驚食夜啲個一節 食物會變得唔新鮮！ 日式炸雙皮奶 好好味 外脆內軟 入口甜甜地！ 一口炸雞都好好食小食仲叫左蜜糖腸呀 蕃薯串 秋刀魚芝士燒蠔同蒜蓉燒蠔 唔會腥 好重既蒜蓉味！天婦羅驚喜有多春魚天婦羅 好特別甜品時間今次叫左 榴連雪條 Blueberry cheese cake 同芒果布甸 對於有榴連雪條 男友表示滿足😂 我就食左cheese cake 上面啲藍霉醬 酸酸甜甜咁。芒果布甸 好食 唔會話太甜 呢到服務好好 見到啲侍應好勤快咁上菜. 係屋村食放題 有咁多款野食 食物質素都好