部屋咖啡室

今晚約咗同學仔傾下計，旺角區大家放工都就腳，呢區有很多樓上咖啡店，最後搵咗呢間叫 部屋。用白板下單有個爐仔跟上，可以保持溫度，新鲜水果茶，據說水果天天不同，壼內有藍莓、紅肉火龍果、西瓜、橙片加埋薄荷葉，甜甜哋又有薄荷清香，幾好飲喎。炸蟹餅炸到表面金黃色，有點油，尚算有彈性，配有泰式辣醬，增添風味。雞肉蘑菇薄餅，上面仲有洋葱同芝士，餅底薄而脆，美味。辣虎蝦意粉望落唔錯，除咗虎蝦，仲有青口、魷魚、蜆、蝦仁，鋪面的翡翠豆苗，增添貴氣，蕃茄汁帶微辣，好開胃。雪糕朱古力厚多士~厚多士表面烘得焦香，上放一顆雪糕球，再加一點朱古力醬，好食啊。士多啤梨西多士一睇就知食完明天又要跑喇，味道新奇ok嘅。 呢度有各式祺類、遊戲，大富翁都有喎，仲有不同類型書藉借閱，來一盤久違了的波子祺，見同場客人都玩得好開心，係度聚會都唔錯嘅，唯一係梳化布係淺色，有些污漬就特別礙眼。