春宵

前幾日同朋友去咗呢間嘅海鮮湯火鍋，仲有靚靚嘅露台，一邊食一邊傾偈一流。我哋叫咗個冬瓜盅海鮮湯，入面本身已經包埋沙白、海蝦、帶子、鮑魚。淨係聽啲食材都覺得唔平，但係竟然唔係，價錢好抵食。我哋仲叫咗A級安格斯牛小排(細)嚟配海鮮湯一齊食，呢個肉嘅口感真係好嫩，入口即溶。呢啲海鮮好新鮮，食落口就知，唔係雪咗好耐嗰啲。除咗呢個之外我哋仲叫咗個二人什菜什菌盛合，入面有冬菇、金菇、大白菜、蘿蔔、粟米。呢個分量啱啱好夠我哋呢啲大食怪食。成個海鮮湯加咗呢啲什菜之後變得更加鮮甜，真係好好飲!!最後我哋叫咗個煙燻乳鴿同芒果汁，一邊傾偈一邊食呢個乳鴿。唔讚唔得呢個乳鴿嘅外皮真係整得好脆，真係好有滿足感。芒果汁都幾足料，仲咬到啲粒粒。