心齋 (已搬遷) 新店位置

今次真係小弟第一次忍唔住要寫食評，我地一行四人，諗住食餐好食嘅素食，點知叫左個套餐，一開始啲頭盤都已經小得可憐，每人都只係得一啖，真係有啲疑問係叫左二人餐定四人餐。都算，諗住當試菜。點知主菜嚟到，個量真係只可以係二人份量，每人只分得兩片猴頭菇，而且啲油揸得出嚟。之後個紅燒菇嚟埋仲驚，好似油浸咁，有成3mm 油浸注啲菇同4塊素雞，試埋味，咸到差啲吐番出嚟。搵個人問下發生咩事，同埋點解啲份量咁小而油咁多，點知佢同我講，因為我哋冇叫小油，所以啲油而家係正常。講真如果食嗰個人有心臟病高血壓，食咗真係會病發。再同經理反映，佢都只係話我哋冇叫小油，而且個份量而家係正常，叫我地下次叫個二人份量嘅比較下，講真，而家已經Black list 左，真係唔好玩啦。最後經理都話佢自己食咗好多年素，都唔鍾意啲嘢咁多油同咸，🙄真心覺得呢間野唔得，唔想其他人中招。俾咗錢都唔緊要，最慘係好似俾人搵笨咁，明明今晚係同母親大人食生日飯。點知好似冇食過野咁就走左真心avoid at all cost!