元祖沾麵專門店 (已結業)

厚福街一向多餐廳，唯獨呢間...我每次經過都係大排長龍，我專登揀Lunch hour後先嚟，依然係坐滿食客勁爆場👍🏻今次終於有機會試下呢間傳說中嘅沾麵。「極上RACLETTE芝士龍蝦沾麵」聽個名已經覺得正，見到隻龍蝦都嚇親，好大碗 ,果然有份量，配合埋佢教法指引跟住食，真心覺得正。龍蝦好新鮮，仲大大隻（附圖 同紙巾嘅對比）夾起麵沾在熱辣辣嘅湯汁，超濃郁龍蝦味，裡面仲有爽口龍蝦肉。口感同味道確係令我未食完已經諗定下一次再嚟。埋單發現仲有九折，有質數，真心抵食好食。