影片
更多
2020-09-10
2178 瀏覽
好鍾意舊式嘅餐廳，Hugo係舊式餐廳嘅表表者之一，由1969年屹立到今，一定有其原因！呢度嘅裝修好傳統，好鍾意佢哋枱與枱之間有一大段距離，可以享受到自己嘅私人空間，而且菜單亦都保留咗好多傳統嘅菜式。坐低冇耐就會送上餐包，三種餐包都好好食，有蒜蓉法包，傳統baguette，同埋車打芝士pastry，三樣都好好味。午餐我哋揀咗沙律，以餐車形式推出，server會問你想食啲乜嘢，在按你嘅選擇serve落你隻碟。服務其實一般，佢推到架車過嚟問我地要乜，但係又唔介紹，最終要問佢先至介紹餐車上面有咩選擇。而沙律質素亦都非常一般。主菜我哋分別叫咗兩個出名主菜，分別係prime rib同埋原隻龍蝦兩食。Prime rib係好傳統嘅英式菜，配上Yorkshire pudding同toast potato，好似去在英國啲酒吧咁。原隻波士頓龍蝦拼盤亦都有兩種食法，一半用grill嘅，另一半就用酥皮盒上，非常出色，而且酥皮盒充滿牛油香味。甜品亦都係用餐車的形式推出，非常吸引，我哋分別揀咗拿破崙，榛子撻，mixed berries mousse cake同埋士多啤梨撻，唯一出色嘅都係用酥皮整嘅拿破崙，佢個cus
坐低冇耐就會送上餐包，三種餐包都好好食，有蒜蓉法包，傳統baguette，同埋車打芝士pastry，三樣都好好味。
午餐我哋揀咗沙律，以餐車形式推出，server會問你想食啲乜嘢，在按你嘅選擇serve落你隻碟。
服務其實一般，佢推到架車過嚟問我地要乜，但係又唔介紹，最終要問佢先至介紹餐車上面有咩選擇。而沙律質素亦都非常一般。
主菜我哋分別叫咗兩個出名主菜，分別係prime rib同埋原隻龍蝦兩食。
Prime rib係好傳統嘅英式菜，配上Yorkshire pudding同toast potato，好似去在英國啲酒吧咁。
原隻波士頓龍蝦拼盤亦都有兩種食法，一半用grill嘅，另一半就用酥皮盒上，非常出色，而且酥皮盒充滿牛油香味。
甜品亦都係用餐車的形式推出，非常吸引，我哋分別揀咗拿破崙，榛子撻，mixed berries mousse cake同埋士多啤梨撻，唯一出色嘅都係用酥皮整嘅拿破崙，佢個custard好香雲呢拿味。
總括而言，呢餐真係有啲失望。睇返網站先知原來佢標榜fine dining，真係唔講唔知。由服務到食物，都只係一般三四星酒店餐廳嘅貨色。
張貼
