洪記粥品 (新都城中心) (已結業)

其實我幾喜歡食傳統粥店的粥品，好開心寶林開了一間新店，就同老婆去試吓。不知是否因為疫情關係，顧客不多，連服務員也不多，我們自己找到座位後，也要等一陣才能找到服務員，舉手示意他過來收拾枱面，但是他看到我舉手即時擰轉頭當看不見我，再隔一陣才能再找另一位服務員過來收拾枱面。點了以下食品：艇仔粥-足料，但不夠熱，唔知係咪啲料本身好凍，所以放咗粥底後成碗粥就無咗咁熱呢。魚片粥-比艇仔粥熱，料都足。炒麵-本身係唔錯，算係夠乾身，唔會太油，但成碟都係凍既，如果熱啲，或起碼暖啲，會好好多。豬潤腸粉-微暖，豬潤份量多啲會好啲。油炸鬼-好味，夠脆，亦唔會好油。煎堆-凍既，又唔脆，咬口好”煙銀”，賣相亦唔得，好扁身，無下次。總結：全部食物整體來說都是偏凍，唔夠熱，煎堆完全唔得，但粥品及炒麵的味道唔錯，份量亦足，價錢抵食。