洪記粥品 (新都城中心) (已結業)

第一次食 見平時都有幾多人排隊就諗住試下叫左個菜乾豬骨粥 豬潤粥 鹹肉糭等左差唔多15分鐘就有 返到屋企滿懷期望諗住食嗰陣咦 睇真啲 有隻曱甴同我say緊Hello喎 當堂冇晒胃口 呀媽個豬潤粥都費事食 因為應該系同一煲粥底咁算啦 淨系食隻糭算數 隻糭就好好彩 冇曱甴 不過啲綠豆就生囉最後全部比曬大口仔食

因為屋企人唔舒服所以外賣粥😛我叫咗炸兩比自己食, 腸粉皮幾滑！炸兩都仲脆!但炒米粉唔掂, 好硬,味道都好淡🫣至於另外兩個粥品, 一個係粟米生菜粥, 另外一個鮮牛粥, 粥底幾綿滑, 同感覺佢無太多味精, 幾淡口, 真係岩病人食😂正常無病嘅唔洗特別食😛

原本外賣APP 12:00 落單， 一直到1:00，張單都係話餐廳準備中，於是打過去餐廳問係咪未出。之後收銀個個勁冇禮貌，話係咪大雨唔拎嚟（但我比咗運費）最後親自前去拎。去到仲要話唔關佢哋事，我話張單一直顯示準備出，佢就話外賣APP問題 ，全程一句唔好意思都冇！ 我認為服務需要改善，其實唔清楚可以話跟進一下，而唔係直接寸個客。己所不欲 勿施於人，將心比己，如果人哋咁對佢會有咩感覺，等咗一個鐘仲要比人寸。

啲炒麵炒米粉硬到pk，食到胃痛🤬🤬🤬啲粥有一條條嘅絲，應該唔係薑絲，唔知係咩嚟🙄端午節之前訂咗鹹肉粽，點知端午節當日去攞嗰時話賣晒🙄吓？咁我提早訂嚟做乜？？！之後佢俾咗八寶粽我哋，話呢隻仲貴🙄我話知你平定貴吖！明明都唔係想食呢隻🙄🤬一句講晒，呢間嘢食物質素又差，態度又差，垃圾！！

有日六點幾起咗身，就決定去食個靚早餐，揾咗屋企附近嘅「洪記粥品」！😃我點咗一個碎牛粥$23、一個齋腸粉$11、一杯熱咖啡$6！🧡埋單$40！🐮碎牛粥$23個人好鍾意佢好綿嘅粥底，加上啱啱熟嘅牛肉碎，牛肉肉質好滑好腍，如果多蔥就更好😜齋腸粉$11齋腸配豉油、麻醬、甜醬係絕配，腸粉質地好順滑，好正👍🏻下次再試下其他粥先！😊

暫停堂食只做外賣， 星期日10點有十幾個人排隊豉油王炒麵睇留言所以買咗豉油王炒麵黎試， 份量多不過冇乜芽菜配料， 唔會再叫碎牛艇仔粥但係碎牛唔碎痴埋一舊， 味道正常口感差炸物煎堆牛脷酥照舊幾好食睇得出好忙 疫情令你們辛苦了， 不過粥品方面需要努力維持質素

開係屋企附近，首先講講食物質素方面😨，叉燒腸粉黎到凍凍地，超難食，粉皮好鞋又厚，一D都唔滑，好唔新鮮。🥴炒米粉又係凍既，好油⋯又硬⋯無乜味⋯😓粟米肉粒粥係暖既，但肉得幾條⋯😵‍💫另外，想講服務態度，非常惡劣！我地食到一半加單，個男職員好大聲話：仲有無呀？一開始唔早講！ 😡 之後仲要大力咁掉張單俾我哋我係黎食野 估唔到都要受氣依間店，人地選擇你都已經唔會期望啲咩。坐位淺窄唔緊要，環境唔係乾淨，餐具少少污糟都唔緊要，淨係呢d 態度，同埋d 難食嘅嘢，以後都不會再來！！請好好檢討下。

今日同老公準備去我嘅生日之旅，尋晚慶祝完生日🎂飲左酒所以起身想食啲熱野同濕野，就諗住食啖粥呢間粥鋪門面同鋪頭入面都較乾淨，燈光都較光猛唔錯～而且價錢合理，唔算太貴大家喺寶琳區想食啖粥，可以一試～呢度啲腸粉好食😋皮薄同夠滑，炒米粉夠大碟，奶茶夠香滑算有驚喜估唔到粥品鋪都飲到呢啲水準嘅奶茶我個日想下下火叫左皮蛋魚腩粥，粥份量夠大魚腩大大舊，都好好味，我最鍾意多蔥～我老公叫嘅豬潤粥豬潤大大塊味道都唔錯，我地兩個重食唔曬

洪記粥品 今次叫外賣，攞到返去炸物仲係鬆脆👍🏻📍 將軍澳貿業路8號新都城中心3期地下G19-20號舖呢間粥店之前開到凌晨一點宜家因為生意差左只開到晚上十一點半🔍即拉牛肉腸⭐️⭐️🤣覺得腸粉皮厚左少少🤏🔎豉油王炒麵⭐️⭐️⭐️⭐️😋呢間炒麵好好食😋鐘意佢菜夠多鐘意食芽菜 蔥既朋友就岩哂同埋個炒麵味道唔會死咸 推薦佢炸物係炸定係用照燈熱住試左以下兩款都大推👍🏻唔會好油膩感，牛俐酥夠咬口煎堆夠鬆化👍🏻🔎牛俐酥⭐️⭐️⭐️⭐️⭐️😋🔎煎堆⭐️⭐️⭐️⭐️⭐️😋

雖然係已經夜晚先至買粥食，但我唔會expect 粥菜乾朱骨粥係凍食囉😡😡😡😡。無錯，係凍，連一點溫度都沒有….。買完步行回家都係5-8分鐘…應該未至於成碗粥凍晒掛🥶🥶🥶！叮返熱食，粥嘅味道就一般正常，無咩特別，但質感太「結」。可能夜粥會係咁嘅？？講到服務態度就要讚👍🏻👍🏻👍🏻，因為姐姐好好禮貌同態度。因為我地唔知佢幾點close,打左去問，姐姐好有禮貌答我地仲開緊，仲擔心我地要等，佢話我地可以電話落單。但因為我地都就到，所以同佢講我地都行緊過去。姐姐話：「哦，咁請你過來慢慢睇…..」大佬，佢用個「請」字…真係好少有啦！☺️☺️👍🏻👍🏻👍🏻💕💕💕雖然食物差，但就係呢位姐姐咁好嘅服務態度，我會比多次機會呢間粥店🤣😂

店員態度差到冇野講，剛買外賣，落完單問多一句(由落單到俾錢只係4句野) 都覺得你問太多，唔想做我生意我會記住，我會同所有人建意唔好幫襯，無謂攪到啲店員咁辛苦要做野。

之前此店光顧了好幾次，第一次堂食的粥及腸粉質素不錯，但最近幫襯了好幾次，其質素時好時壞。上星期六中午買魚腩粥，啲魚腩三件之中有一件隔夜唔新鮮，今日下午買的腸粉又預先制定，入口實的的，下次唔會再幫襯。

之前收凌晨1：30，宵夜好選擇。最近營業時間改了收12點，11:30就開始不耐煩。收銀一個阿叔態度非常惡劣，對每一個客人都係咁的態度。入門口已經怒目相視，好似個個客入去乞食咁！！粗聲粗氣，排我後面個伯伯叫了兩樣野，佢好惡咁同阿伯講 “重有咩呀？！我問你重有咩要呀？！！”；另一位客人來買2條油炸鬼，又嫌人幫襯少，對眼一路掘住人，個口細細聲唔知講乜，相信唔係好野了；有客打電話來落單，話6分鐘後來攞，收線後佢話“5~6分鐘，就唔好打來啦！！” ........呢D係10分鐘內所見。我如果係大隻佬，我實 “中”佢！以後唔幫襯！！

今日夜晚11點幾去咗洪記粥店買嘢食，舖頭開到凌晨一點，而11點之後就半價，今日佢都有10幾個人等緊，叫咗一個皮蛋瘦肉粥一個炒米粉，半價左係17.5。可能外賣粥返到屋企都有啲水，皮蛋算多，瘦肉係設成長方條，整體還好。炒米粉就分量合理，但係有少少米粉有啲硬，如果林少少冇咁乾就更好。

藍田分店12點37分買外賣 等到13點先有得攞啲外賣單NO.跳黎跳去 吾係順NO.嗌既遲過我入堂食仲快過我有得食 4個女人圍係到手腳都咁慢食粥俾筷子我做咩？點食？用筷子點食粥？腸粉外賣漿又識俾好多收銀男人又吾理又欠溝通有位小姐漏左碗粥等吾切錢都退埋廚房又吾知 仲哂左幾多時間去整碗粥？見到啲外賣明明整好最後有個後生啲既女侍應就咁擺係入面又吾攞出嚟 想點呀！吾會再去囉 完全無效率 欠溝通哂時間！真係嬲！😡😡😡😡😡