黑木亭居酒屋 (金馬倫道)

沿樓梯牆上既紙傘同秋葉，到店內既日式燈籠同櫻花樹，都仿如置身日本，全部都好靚好適合打卡。DlY夀司刺身盛 ($599)擺盤好靚，分量亦好大。有厚切三文魚、海膽、拖羅、赤身同帶子，配料仲有三文魚子、櫻花魷魚、芥辣八爪魚。可以自己選擇喜歡既配料，配搭上紫菜 / 赤醋飯一齊食，好玩又好食。而且刺身款款新鮮兼厚切，亦完全唔會腥。黑豚荔枝卷 ($38)第一次試豚肉入面包荔枝，味道特別得黎又幾 fresh。豚肉燒得香脆 juicy，口感豐富惹味。黑糖燒菠蘿 ($38) 燒過既菠蘿更清甜，配埋黑糖，甜得黎又帶有微微酸味，解膩一流。蜜桃烏龍熊茶($58) 小熊茶係signature drink，小冰熊好可愛，拎黎打卡一流。蜜桃味唔會好濃，亦唔會太甜，好清新解渴。北海道芒果牛乳乳酸 ($48)隻杯又大又靚，味道酸酸甜甜好開胃，仲有芒果果肉，好岩口味。