ZENTRO (已結業)

正呀，老闆放工請飲嘢？同事揀咗呢度，Zentro 以前喺IFC，我都去過兩次，嗰陣只有薯片食，依家多咗好多，強調以備長炭烤的食物，行到餐廳尾就見到炭燒吧，有兩位師傅坐陣，飲啤酒最好就係配燒烤食物，食多兩件又會飲多杯，識做生意。始終是酒吧，嘢食冇大餐牌，就只有企牌，不過午餐可以食到八點，你食個快晚餐都可以。聽人講呢幾款好，咪就跟住點，厚燒牛舌，雞胸軟骨，都係心機燒物。牛肉半熟啱啱好，肉質軟得來有咬口，配杯紅酒超夾。招牌備長炭馬友一夜干的確燒得出色，見個樣就知道得，魚皮如薄脆，有少少焦香，口感好好，易啲肉又保持嫩，無話燒到乾晒。全部食物都好啱配酒，價錢都好合理，環境方面，可以揀坐近開陽的平台大窗的，又可以揀氣氛好近酒吧的。