110
3
2
港鐵上環站 E2 出口, 步行約3分鐘 繼續閱讀
電話號碼
28992221
開飯介紹
餐廳設有一列高腳椅,營造出宛如酒吧的氣氛,而餐廳主打fusion菜,印度風味配上日式的菜餚,口味十分獨特,如日式咖喱飯、日式串燒。 繼續閱讀
營業時間
今日營業
12:00 - 01:00
星期一至三
12:00 - 01:00
星期四至六
12:00 - 02:00
星期日
12:00 - 23:00
付款方式
Visa Master 現金 AE
其他資料
網上訂座
深夜營業
賞訂座積分
有關獎賞計劃
食評 (121)
等級4 2019-08-09
1536 瀏覽
辛苦工作一天,最享受放工時的私人時間,可以與朋友吃個飯,聊聊天,今天來了一間充滿各地風情,舒適relax的酒吧或餐廳。餐廳主打fusion菜,但平常的有點不同,因這裡更crossover了日式及印度風味,任君選擇。當升降機門一開啟,眼前有一列高枱,有點像酒吧。再走進去一點,就會看到可以讓人食燒物的炭爐。Menu 亦有不同國家的料理,就算成班朋友因口味不同都不怕!筆者與朋友點了一些「備長炭」燒的串燒以及燒物,友人點了印度傳統的chicken masala with rice,筆者點了滑蛋吉列豬扒配飯。chicken masala with rice $138一上枱有驚喜,因為那碗飯使用的米,似乎是正宗的印度米,飯粒細長,較香米有咬口,香味亦不同。正宗印度菜好似有分別,整體味道不錯,分量亦足夠。Overtimed Lunch Menu 日式汁煮黑豚定食(定食配菜同上) $148想象不到,那麼大份量,大大塊炸豬扒,厚切而不鞋口,醬汁煮得美味,地道日式風味,味道濃烈,送飯一流。這樣的炸豬扒切件有4—5塊。因筆者點的是至到8PM的over time lunch menu中的套餐。所以附有沙律,清爽好味。因為是日式的套餐,所以餐廳附上了麵豉湯,也十分正宗,不像是一般開粉的味道。套餐更配了餐飲,筆者點了蘋果汁。牛小排串 $36肉汁鎖住,肉質嫰滑惹味。日式燒鵝肝拼豆腐干 $68鵝肝惹味,拼豆腐干把肉汁吸收,有大驚喜,筆者最愛!串燒(上)雞翼 手羽先 $36(下)羊架 $59串燒(左)鹿兒島赤雞腎 $29(右)雞胸軟骨 $30要特別推薦雞胸軟骨,在外串燒較少見,雞胸肉連軟骨,感覺惹味。意猶未盡的話,還可以試點 cocktail menu 提供的酒,盡情飲飽食醉。原來窗戶都沒有玻璃,能毫無阻隔地飽覽窗外風光。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-31
860 瀏覽
星期六又到接老公放工啦😆今次誤打唔撞發現中環區都有平靚正餐廳😻環境好relax 有window seat又有bar枱位✨主打用備長炭 非常有炭燒風味又可以保留肉汁 食串燒一流🖤而且夜晚8點前仲有overtime lunch menu (有主菜,餐湯,沙律, 果汁同soft drinks) 相當抵食👍🏻⠀▫️特選厚切牛舌串 ($48)經過備長炭燒過鎖住肉汁 一咬落好Juicy 牛舌爽脆熟度剛好🤤⠀▫️燒白鱔($59)白鱔皮都燒到脆卜卜好香口✨▫️燒雞軟骨 ($22) ⠀▫️炭烤羊架 配紅酒燉雜菜薯仔($148)羊架肉質非常非常之嫩😻熟度岩岩好 好香羊肉味🐐加上炭燒香氣 一啲都唔羶 非常高質✨⠀▫️炭燒天多尼式澳洲120日穀飼黑安格斯肉眼扒 配薯條及雜菜($168)好香嘅燒烤味 肉汁多肉質軟腍唔韌 但較多筋位 蘸印度天多尼醬汁非常夾又惹味🧡薯條熱辣辣非常香脆✨⠀ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-21
729 瀏覽
襯星期五中午的午飯時間相約同在附近工作的好友飯聚,她帶我來到了上環的The Willington,原來UG 有間叫Zentro的餐廳。以為價錢會略貴,但原來reasonable and acceptable,有舒適的環境及套餐都只是一百元左右。餐廳有Overtimed lunch menu(12-8pm Mon-Sat) , 很適合附近的上班一族,時上來更覺超值。《炭燒鰻魚飯家食 $148》(附日式豆腐湯、漬物、沙律)鰻魚厚身大片亦燒得入味,伴菜有紫菜絲、蘿蔔漬、蛋絲,拌飯很不錯。《炭燒天多尼式澳洲120日穀飼黑安格斯肉眼扒 配薯條及雜菜 $168》餐湯美味,味似忌廉湯但加上了肉粒。肉眼有份量,炭香撲鼻。伴菜有很多薯條,十分香脆可口!雖然比要求的半成熟還要生,但幸好肉質不錯所以不韌,而且肉汁多,補上了分數,再蘸印度醬汁更提味,很不錯的配搭!雖然餐廳有青瓜水供應,但套餐跟soft drink/ juice,所以我們都點了兩杯橙汁,很多橙肉! 繼續閱讀
(以上食評乃用戶個人意見 , 並不代表OpenRice之觀點。)
唔多去以食串燒為主既餐廳,但其實食住串燒,飲住酒,再同朋友/另一半慢慢坐傾下計係一件樂事,尤其係Friday/Saturday night,今晚揀左呢間中等價位既串燒bar realx下。仲有個揀呢間餐廳既原因,係因為用備長炭做燃料,好處係備長炭係用1000度高溫燒製而成,水及硫礦成分少,燃燒既時間可以無煙無臭,而且火力強、猛烈,更能保持食物的鮮味,有別於一般木炭強力燒食物表面至燒焦而內裡可能仲未熟既情況。環境酒吧形式,環境輕鬆,燈光較昏暗,window seat可以望住街景,幾relax。自家製魷魚一夜干 $98成日係食日本燒物既店都見到“一夜干”,其實咩係一夜干?一夜干是日本北海道漁夫發明一種保存魚既方法,清除魚既內臟之後,浸泡係同海水濃度相若既既鹽水之中,經過一夜既風乾,可以令魚肉風味冬肉質更佳。有馬友及魷魚,我地就揀左後者,約一隻中型魷魚既份量,一入口好香燒焦味,魷魚縱使燒過,但咬落唔會乾爭爭,反而好彈牙脆口。特選厚切牛舌串 $48串燒又點少得牛舌,一串有三小塊,話明係厚切,厚度當然有返咁上下,一咬落去有少少肉汁,牛舌爽脆又不失軟熟口感,好有水準既牛舌串!鹿兒島赤雞腎 $29仲有雞腎都係串燒必食,同樣爽脆唔會韌同嚡口,亦無內臟腥味,但係醃料就醃得重手左,鹹左啲。德島阿玻雞頸肉 $29豬頸肉食得多,雞頸肉真係未食過,聽都好少聽,所以就叫嚟試下。食落同豬頸肉好唔同,肉味唔濃郁,有咬口,唔太識形容,可以話係比較清淡既烤肉串。黑豚肉 $36係五花腩肉位,但食落唔會覺得肥膩,肉味濃郁,調味剛好。牛小排串 $36牛小排都好厚肉,肉質鬆軟冇渣,同樣不錯。羊架 $59高質!望外型已經唔會係好瘦削果種,羊架燒得好靚,一咬,肉質嫩,好易就咬開,熟成度岩岩好,羊羶味亦係易入口果種,必食!煙肉廣島蠔卷串燒 $38唔係肥牛金茹卷,而係煙肉廣島蠔卷,煙肉唔算燒得太乾,內裡既廣島蠔好juicy飽滿且鮮甜,呢個配搭估唔到幾match!總括而言,中上環區一個同朋友啤下、食串燒既一個好地方,串燒都係用備長炭,果然每款肉汁都得以保留,如果20:00前嚟仲有正餐既overtime lunch,價錢相對抵食啲添附:餐牌 繼續閱讀
(以上食評乃用戶個人意見 , 並不代表OpenRice之觀點。)
星期一至五已經好累,星期六,日好多時都要補眠,好好休息一下才是對自己最好的。但想食個lunch,好多時都要早少少起身,同事講過此餐廳有overtime lunch memu,所以就選擇到此餐廳,旁晚都可以享受個lunch要講講環境,餐廳開揚,闊落,乾淨。坐在窗邊更是舒服可以看到出面,而且不會焗,悶熱。銀雪魚西京燒定食,配有白飯及沙律及餐湯。148元有餐湯,有沙律真是十分不錯。菇湯十分綿滑,又有啖啖磨菇溶沙律菜好脆,而且份量都不少主菜,銀雪魚,煎得好香,配飯一流。魚本身肉都好爽,不是雪了很久的貨,食得出食材質素。調味亦好,少少鹽味已經好夠。另外,我地叫了不同的串燒,大家可以一路傾計,一路食。首先是蒜片欖油蝦,這個有少少辣,令人開胃,但辣椒蒜片又不會阻礙蝦鮮味,又爽口。店鋪有備長炭燒烤,而且價錢不貴,串燒好處就是可以食好多不同野,但又會吾會叫一樣就好飽。我地叫了包括粟米,磨菇,豚肉,雞翼,羊架,等等。粟米及磨菇。燒粟米其實不貴,但我地好喜歡食,燒得好好,多汁,又不會焦,又是蔬菜,所以覺得又健康,又好食。磨菇,小磨菇有汁,又香,每串有2件,少少木魚,就已經不錯了,不用太多醬汁。雞翼,燒雞翼人人自細鐘意食。好脆,好熱,但都不貴,每串2件。個人覺得比炸雞翼好食好了。而且沒有油膩感。豚肉串,有少少腩肉,所以好脆,好味。食2啖就已經食曬,所以忍吾住口,所以自己獨食了。羊架,配醬汁好好食,醬汁有少少酸辣,惹味,而且羊味重。 繼續閱讀
(以上食評乃用戶個人意見 , 並不代表OpenRice之觀點。)