ATUM Restaurant (已結業)

星期三平日下午，約閨蜜去行街，邊行邊找吃下午茶的好地方。2:45無意中見到餐廳，即刻行去問有無下午荼。雖然我哋冇訂位，照俾我哋入去，太感動了！（3:00開始超多人入座）研究個餐牌好耐，才見到tea set那拉頁，笑死人。我哋坐喺嗰個吧枱附近的長桌，見到啲侍應好有心機設計每一盤嘅甜品，加分。先上飲品，已經加分。竹炭咖啡及玫瑰咖啡，好靚及好好飲。每一件嘅甜品都好精緻，捨不得吃。因為同平時嘅下午茶款式大多唔一樣，每一件放入口都令人好驚喜。嗰啲甜品款式表面上唔一樣，實際上入邊嘅餡係大同小異。這個紫薯撻味道好濃。估唔到食完13件餅，再加埋杯咖啡，飽到夜晚都爭啲食唔落，非常滿足！用咗信用卡嘅優惠DBS，可以對銷幾十元消費。 值得一提嘅係侍應姐姐嘅友善待人服務態度，佢話歡迎我哋再次光臨。