影片
更多
2019-04-09
29 瀏覽
小時候覺得漢堡包 = 快餐。長大了才慢慢知道有所謂「刀叉漢堡」，也能在特別是美式餐廳登大雅之堂，成為牛扒以外的Main course 選擇。甚至，有 decent 餐廳可以主打漢堡，別樹一幟。今天機緣巧合和同事來到朗豪坊吃的這家漢堡店，正是其一。放工驅車直接到朗豪坊地庫停車場，電梯直上12樓。每一次都感恩朗豪坊交通方便，打風落雨天熱天冷都完全唔怕。 週二 7:45 左右，有人排隊但好在唔算長龍。有預定更可直接入座。點了一個凱撒沙律打底，正常 - 亦為之後的漢堡解膩。我的主菜是「熱融· 拉可雷特芝士漢堡」。講多無謂，睇相。倒芝士的一下好夠 gimmick。店員也溫馨提示要襯熱、芝士未變硬時食會更香。坦白講芝士 1 分鐘內已經唔再流質，我亦唔覺得「唔香」；但因為佢呢一句，我高速地食，而到我閃電食完芝士後，可能真係有啲 heavy ，我個人都呆呆地。事實上個包入面有漢堡牛肉、一條德國腸（！），同埋一塊炸薯餅（！！），都真係⋯⋯ 好豐富。店員無問「幾成熟」，turn out 8、9成熟，但係都夠 juicy。總體係好味嘅。同事簡單啲食「英國香濃車打芝士牛肉漢堡」，佢話唔錯。真係太膩，跟餐的可樂
放工驅車直接到朗豪坊地庫停車場，電梯直上12樓。每一次都感恩朗豪坊交通方便，打風落雨天熱天冷都完全唔怕。
週二 7:45 左右，有人排隊但好在唔算長龍。有預定更可直接入座。
點了一個凱撒沙律打底，正常 - 亦為之後的漢堡解膩。
我的主菜是「熱融· 拉可雷特芝士漢堡」。講多無謂，睇相。
倒芝士的一下好夠 gimmick。店員也溫馨提示要襯熱、芝士未變硬時食會更香。坦白講芝士 1 分鐘內已經唔再流質，我亦唔覺得「唔香」；但因為佢呢一句，我高速地食，而到我閃電食完芝士後，可能真係有啲 heavy ，我個人都呆呆地。
事實上個包入面有漢堡牛肉、一條德國腸（！），同埋一塊炸薯餅（！！），都真係⋯⋯ 好豐富。
店員無問「幾成熟」，turn out 8、9成熟，但係都夠 juicy。總體係好味嘅。
同事簡單啲食「英國香濃車打芝士牛肉漢堡」，佢話唔錯。
真係太膩，跟餐的可樂飲完，再要隊杯咖啡。
同事飲都叫個「冰鎮朱古力蛋糕新地」。小小可惜今日無乾冰，做不到特殊冒煙效果，只能碟上。但72度朱古力無欺場，好好好濃的朱古力味。
整體來講，埋單2人 400蚊，好抵食。偶一為之放縱下，都係一番體驗～
張貼
