影片
更多
2020-09-17
301 瀏覽
我自己就好鍾意食魚麵，但係唔係好多地方有呢樣嘢食，出開去做嘢見到附近有呢間專食魚麵嘅舖頭，所以捉埋男朋友陪我去試吓。呢間餐廳嘅裝修好簡潔，俾人一種好似係輕食嘅感覺，加上其實魚麵嘅卡路里都好低，啱晒一啲想減肥嘅OL食。但係最重要嘅係佢哋嘅價錢真係好實惠。見到佢有一個類似熱狗腸嘅東西，其實佢係用魚肉做嘅，食落去好彈牙，而且賣相色彩繽紛好吸引。另外仲有一個炸魚無薯條，話就話要薯條但係其實一啲薯仔都冇，因為佢同樣地都係用魚肉做嘅，識落又係好彈牙，點埋佢個蟹子沙律醬，好過癮。另外仲有一個小食係牛油雞翼，好香牛油味，炸到脆卜卜，賣相又係好得。食咗咁多炸嘢梗係叫返個菜嚟中和下啦，我哋揀咗佢個魚湯菜苗，佢個魚湯都好清甜，配埋個菜苗真係好健康。最後就到主食啦，我哋揀咗佢個鴛鴦魚春卷魚麵，佢呢度嘅湯麵，無論係面定係湯都可以自己揀，自己配搭。佢哋啲魚麵都好彈牙，加埋佢個湯底清清地，真係點食都唔會肥。另外我哋仲試埋佢個撈魚麵，呢個係鴨絲麻辣魚麵，佢個麻辣醬係甜甜地，唔會太辣。如果鴨絲都好夠味，夠飽肚之餘又唔會肥。最後職員同我哋介紹咗佢哋個自家製嘅餐盒，佢哋嘅環保餐盒係可以被分解嘅，最重要係慳位之餘仲可以入微波
呢間餐廳嘅裝修好簡潔，俾人一種好似係輕食嘅感覺，加上其實魚麵嘅卡路里都好低，啱晒一啲想減肥嘅OL食。但係最重要嘅係佢哋嘅價錢真係好實惠。
見到佢有一個類似熱狗腸嘅東西，其實佢係用魚肉做嘅，食落去好彈牙，而且賣相色彩繽紛好吸引。
另外仲有一個炸魚無薯條，話就話要薯條但係其實一啲薯仔都冇，因為佢同樣地都係用魚肉做嘅，識落又係好彈牙，點埋佢個蟹子沙律醬，好過癮。
另外仲有一個小食係牛油雞翼，好香牛油味，炸到脆卜卜，賣相又係好得。
食咗咁多炸嘢梗係叫返個菜嚟中和下啦，我哋揀咗佢個魚湯菜苗，佢個魚湯都好清甜，配埋個菜苗真係好健康。
最後就到主食啦，我哋揀咗佢個鴛鴦魚春卷魚麵，佢呢度嘅湯麵，無論係面定係湯都可以自己揀，自己配搭。佢哋啲魚麵都好彈牙，加埋佢個湯底清清地，真係點食都唔會肥。
另外我哋仲試埋佢個撈魚麵，呢個係鴨絲麻辣魚麵，佢個麻辣醬係甜甜地，唔會太辣。如果鴨絲都好夠味，夠飽肚之餘又唔會肥。
最後職員同我哋介紹咗佢哋個自家製嘅餐盒，佢哋嘅環保餐盒係可以被分解嘅，最重要係慳位之餘仲可以入微波爐，如果下次嚟食飯嘅時候用佢哋嘅餐盒仲可以減$3，都係一個唔錯嘅環保行動。
張貼
