盈翠軒 (裝修中)

今日和老婆往中港城盈翠軒食晚餐。我們點了燉水鴨湯, 脆皮安格斯牛柳粒、杞子花膠浸時蔬、粟米汁黑松露釀竹笙和魚湯龍疐班粒稻庭烏冬。我們點了玄米茶好有茶香味, 有回甘；水鴨湯賣相一流, 有紫砂茶壺盛載, 湯好濃藥材味和水鴨味, 水鴨肉質均勻, 湯入面有石斛, 瑪卡等藥材, 美味的湯；脆皮安格斯牛柳粒,脆皮好脆, 牛柳粒入口即熔, 好好食的小食；杞子花膠浸時蔬, 湯底是濃濃魚湯, 好清甜, 白菜好爽口, 花膠浸滿湯食出淡淡鮮魚湯味, 加上杞子伴碟, 整個菜式食落有豐口感；粟米黑松露釀竹笙, 賣相好靚, 粟米獻汁好鮮甜, 菜心好爽口, 竹笙釀了黑松露, 食落有濃濃黑松露香味, 配上粟米湯一同食, 食落好有層次, 味道剛剛好, 不會太鹹！；最後我們點魚湯龍疐班粒稻庭烏冬, 一上桌好大碟, 龍疐每一件都大塊, 肉質好鮮甜, 魚湯好夠濃, 配上新鮮翠玉瓜和菇, 食落好爽胸鮮甜。餐廳食物賣相一流, 食物菜式好健康, 環境好舒適, 猶如吃了一頓健康養生晚膳。