尚素 (已結業)

新年期間日日大魚大肉，係時候收斂一下，想食得清淡D，冇咁肥膩，素菜館是個最佳選擇，今晚就去咗呢間位於官塘駿業街嘅尚素晚膳！餐廳環境佈置高雅，坐位舒適，員工有禮！令人感覺良好！坐落後店員畧作介紹，有單點菜式也有二人套餐，我倆就點了一個新春晚市二人套餐，已經有三個前菜，素湯，並可從餐牌指定菜式選兩個做主菜！又有白飯同餐後甜點，好抵咁喎！三個前菜富貴海珊瑚撈起拌以海珊瑚，黑白木耳，紅蘿蔔，青瓜紫椰菜等切絲，倒入沙律醬撈勻進食，清新可口，十分開胃！另兩個前菜，一個是黑松露糯米素燒賣兩件，另一個是三色串燒，有冬菇、脆玉瓜、豆腐，燒好上碟配以酸甜的柚子蜜汁，又係好食得嚟唔會飽滯！兩款素湯是金耳雪耳𡙡，同埋尚品素湯，都係清甜不油膩！兩個主食一個是金耳羅漢上素煲，另一個是香酥百靈菇羅漢上素煲用好黃耳，草菇，磨菇紅蘿蔔作料，熱辣辣上桌，調味適宜！香酥百靈菇好似炸豬扒，外觀已經令人流哂口水，咬落又好有口感！跟餐仲有白飯各人一碗，碟上全部食物食光，但又不覺飽飽滯滯！最后來的餐後甜點是薏米腐竹糖水，甜度剛好！