影片
更多
2019-06-30
15 瀏覽
今日同個好兄弟出嚟聚舊，大家不約而同都想打邊爐，於是喺旺角度搵下有冇邊啲火鍋餐廳，由於我哋都唔想食得咁heavy，所以唔想揀火鍋放題，最後就揀咗臺式嘅火鍋。餐廳門面都比較時尚，而室內因為太多食客，所以我都冇特別影，不過可以講就係餐廳都走簡約文青路線，而且我比較意外嘅係，我都係閑日夜晚嚟到餐廳，都差唔多全場爆滿。一人火鍋價錢合理，都係100鬆啲有交易，就算加多個滷肉飯都係十幾蚊，另外仲有飯餐面餐同串燒等等。我哋今次就主打火鍋，雖然我係一個麻辣精，但由於最近要戒口嘅關係，所以今次只好揀番茄湯火鍋，而好兄弟就揀左個藥膳雞火鍋。宜蘭蕃茄豚肉鍋。這種臺式火鍋我都係第一次試，基本上佢啲材料已經熟曬，係有個大小小嘅蠟燭幫你保溫，而我呢個豚肉鍋既豚肉份量都唔少，肉質唔會太肥質素幾好。而呢個火鍋嘅配料大部分都係素菜，有金菇，娃娃菜，豆腐，粟米，椰菜等等，味道正常。呢度要講個湯底，番茄湯底第一個印象就係比較淡味，感覺係無乜味精嘅番茄湯，基本上可以攞嚟當湯飲。基本上食到最後我落埋個粉絲落去個火鍋湯度，由於個湯底冇乜油，亦唔需要額外加水加湯底，所以就變咗一般番茄湯麵噉樣可以一路食麵一路飲湯。即使食完一段時間都
餐廳門面都比較時尚，而室內因為太多食客，所以我都冇特別影，不過可以講就係餐廳都走簡約文青路線，而且我比較意外嘅係，我都係閑日夜晚嚟到餐廳，都差唔多全場爆滿。
一人火鍋價錢合理，都係100鬆啲有交易，就算加多個滷肉飯都係十幾蚊，另外仲有飯餐面餐同串燒等等。我哋今次就主打火鍋，雖然我係一個麻辣精，但由於最近要戒口嘅關係，所以今次只好揀番茄湯火鍋，而好兄弟就揀左個藥膳雞火鍋。
宜蘭蕃茄豚肉鍋。
這種臺式火鍋我都係第一次試，基本上佢啲材料已經熟曬，係有個大小小嘅蠟燭幫你保溫，而我呢個豚肉鍋既豚肉份量都唔少，肉質唔會太肥質素幾好。而呢個火鍋嘅配料大部分都係素菜，有金菇，娃娃菜，豆腐，粟米，椰菜等等，味道正常。呢度要講個湯底，番茄湯底第一個印象就係比較淡味，感覺係無乜味精嘅番茄湯，基本上可以攞嚟當湯飲。基本上食到最後我落埋個粉絲落去個火鍋湯度，由於個湯底冇乜油，亦唔需要額外加水加湯底，所以就變咗一般番茄湯麵噉樣可以一路食麵一路飲湯。即使食完一段時間都唔係好覺口渴，似乎係幾個火鍋入邊相對健康嘅選擇。
好兄弟就叫左個藥膳雞窩。
藥膳雞鍋嘅湯底飲落真係有藥材味，同樣都係可以俾你當湯飲嘅，試咗一嚿鷄 都明顯知道係新鮮雞，面頭有幾塊魚皮都幾香脆。
另外我哋仲叫咗個滷肉飯，15蚊一個價錢都算係相宜，滷肉分量都唔少，可以一試嘅。
飲品方面兄弟叫咗個滿滿菠蘿，比較似菠蘿沙冰，菠蘿味道濃郁嘅。我就叫左個超級水果茶，材料有西有西瓜菠蘿等等，十分足料，味道清爽，如果大家唔飲咁甜可以叫佢少甜。
總結就係冇諗過今餐食得咁清淡，清淡得嚟亦都出奇地唔錯，我相信如果大家想食得刺激啲嘅，要試下佢嘅臭臭鍋同埋麻辣鍋。
張貼
