水門雞飯 (裕民坊YM²)

營業中

休息中

收工去咗食水門雞飯，我就食咗雞飯，唔轉雞髀要雞胸可以減肥，雞胸都好嫩滑，點埋醬就夠晒味，仲有個冬瓜湯濕濕口。晚巿加$30就有個無骨豬手小食，好大碟好抵食，炆到好腍好入味。洛神花茶酸酸地唔甜，唔肥又解渴。朋友食咗泰式肉碎煎蛋飯，叫咗少辣，加埋流心蛋好送飯。大推個串燒，都係加$30，我哋叫咗豬肉，另外可選雞肉，大串又燒得香，加埋個甜甜哋嘅沙嗲醬，勁好食。再加個炒通菜補充膳食纖維，可以叫小辣小油，食到japjap 聲。