影片
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
喺瑞和街打完波，趕得切5:30前去裕民坊間水門雞飯叫下午茶同dinner，真心抵。佢$38有一個煮食，再加小食，再加$5有杯嘢飲。成單嘢都係43。我叫咗呢啲覺得幾好食：泰式船粉嘅湯底對我嚟講都算有啲surprise，原本以為泰國嘢會好鹹，但係呢個船麵嘅湯底都算鹹淡適中。食完都唔會覺得好口乾嘅水門雞飯基本上都係正常發揮，佢下午茶就輕量裝，打完波都唔想食正餐太飽，所以啱啱好OK跟餐嘅小食有得揀兩隻香茅雞翼，拎外賣返屋企途中聞到香噴噴☺️ 仲有佢涼拌牛舌（四塊）都真係整得幾腍身，加少少泰式辣汁食起嚟會更加有風味。因為自家炆牛舌真係一件好煩嘅事，有得揀都揀買返嚟食。老婆鍾意飲椰青，就加咗$40 order咗一個。都包裝得幾企理，椰青下面仲加個膠兜裝住，有啲椰青水漏咗出嚟，但都裝得住。而且椰青嘅份量真係好大個、兩個人都係勉強飲晒甜品我哋仲叫咗個芒果糯米飯（$58）芒果糯米飯都係幾煙靭口感，拎到返屋企仲可以有一熱一棟，凍嘅芒果再加埋暖身嘅糯米飯入口。雖然我只係坐喺度等外賣，但係阿姐都俾個袋我裝住個書包，都算幾有服務態度
繼續閱讀
今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬
繼續閱讀
水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻♂️
繼續閱讀
水門雞飯 (觀塘YM² ）水門雞飯 $56雞汁+湯 $0轉雞脾肉 +$10今晚嚟買外賣返屋企緊係要食佢哋嘅招牌雞🐓飯🍚啦想食得滑D我就指明要雞脾肉🍗佢哋嘅雞脾肉🐓顏色會偏白雞肉無肥膏但肉質都好軟淋雞飯🐓會包埋鹹鹹哋嘅醬同胡椒清湯🥣跟餐泰式無骨豬手（例） +$30豬手🐖滷得都幾入味同埋肉質唔會好淋馬拉盞西蘭花炒魷魚鬚（固定辣） $68買完先知原來可以揀辣度🔥早知揀辣D啦辣下惹味D呀嘛🔥泰式炒鳳尾蝦金邊粉 $78金邊粉分量都幾多幾大兜下😮好飽每個外賣盒 $2*～**～**～*～**～**～*～**～**～*～**～💌地址：水門雞飯 (觀塘)觀塘協和街33號裕民坊YM² 1樓101號舖*～**～**～*～**～**～*～**～**～*～**～
繼續閱讀
今次午餐我同朋友去咗「水門雞飯」呢間泰式餐廳，餐廳位於觀塘港鐵站，商場裕民坊地舖，真係好方便！🇹🇭🍜小食方面，我哋叫咗一碟泰式生蝦，總共有五隻生蝦，蝦肉好新鮮、啖啖肉，擺盤又靚！伴隨住泰式酸辣汁，再加上苦瓜片、蒜片同紅椒片，口感層次豐富，味道真係一流！🦐🌶️小食我哋仲叫咗一碟香辣鳳爪沙律，配搭芹菜、生洋蔥同埋芫茜，清新又開胃，辣度啱啱好，無骨啖啖肉、都好過癮！🥗兩碟小食都係冷盤，炎炎夏日食完真係透心涼！🧊🧊😋😋主菜方面，我哋叫咗一碟泰式炒鳳尾蝦金邊粉，熱辣辣嘅酸甜金邊粉，加上鮮甜嘅蝦肉，搭配埋櫻花蝦、炒蛋、芽菜、蔥段同青檸汁簡直恰到好處！🍋🟩🍤 飲品我哋叫咗杯菠蘿冰，清涼消暑，菠蘿味濃郁，仲有塊鮮甜菠蘿食，真係好正！🍍
繼續閱讀