西塘花記 (已結業)

今日喺銅鑼灣行去灣仔買Game嘅時候，發現咗間餃子店，啲餃子唔係平日食到嗰啲白菜豬肉餡，而係有魚有海鮮嘅餃，買完game就同太太一齊去食。入面裝修都唔錯，坐得都舒服。整返碟蒜蓉雞翼先，炸個皮都脆嘅有少少蒜味。酥炸排骨菜飯招牌五福水餃海鮮餃啲料都幾多，有蝦同魚，魷魚切碎，隻餃好似我咁脹到就爆。如果想點湯食亦都冇問題，湯味好似住家湯，飲唔到有味精。自家制原味酸奶，食落唔太甜，帶酸味，質感有啲似好鬆好鬆嘅豆腐，呢間餐廳出品嘅都好健康。凍豆漿，豆味都算濃，食上海嘢我就最鍾意飲豆漿。