陳仔花甲粉

營業中

休息中

星期六放假去咗九龍灣行吓，見到佢哋food court有一間6月頭新開嘅花甲粉，星期六都仲有下午茶餐，非常抵食，所以就決定試吓！我哋嗌咗兩個餐，分別係 伊比利亞橡果豬花甲粉🐷$59 同埋 香辣鮮味鴨血花甲粉🦆 $54，每兜花甲粉都有八隻大大隻既花甲，洗得好乾淨完全冇沙～兩款配料各有特色，我自己就覺得鴨血更加惹味😋😋花甲粉除咗可以揀粉絲做麵底之外，仲可以轉菜底、米線 或者 +$8轉日本稻庭烏冬，驚唔夠飽想加底既話都係$8咋～套餐已經包左紙包飲品，我地就揀左道地巨峰提子汁🍇 同埋 道地烏龍茶🫖另外，我哋仲叫咗蒜香焗金菇🍄‍🟫$19 做小食，估唔到呢個蒜蓉金菇撈埋落個花甲粉到咁好食，推介大家嗌返個，配搭花甲粉一齊食，超正！