陳仔花甲粉

營業中

休息中

第一次嚟九龍灣Food Court食野眾多選擇之中見好多人都食緊花甲粉每份都係即製熱辣辣都幾多配搭選擇仲可以選擇唔同辣度✨ 伊比利亞橡果豬花甲粉豬肉肉質嫩腍．配上花甲同金菇麵底揀咗米線．份量充足✨ 香辣鮮味鴨血花甲粉鴨血香滑軟彈．湯底辣辣地幾惹味仲可以+$8 改稻庭烏東下午茶仲可以追加小食跟埋飲品．性價比高✨麻辣雞腎雞腎粒粒爽口麻辣味十足．配上芫茜．惹味香口如果唔係繁忙時間．Food Court可以慢慢坐，唔怕比人趕走以後去九龍灣行街．一定再嚟

今日同朋友仔去九龍灣行街驚訝發現food court新開左一間花甲粉鍾意食花甲嘅我梗係要試吓啦😍我叫左個伊比利亞橡果豬花甲粉加鴨血其實佢有粉絲，米線，菜底同稻庭烏冬揀既但我覺得食花甲粉都係要配粉絲先好食首先飲一啖湯先都有花甲既鮮味伊比利亞橡果豬肉味濃郁花甲好新鮮最緊要係冇沙而且數量都唔少㗎粉絲又多連埋湯一齊食好食又抵食跟住見到嗌個主食加個小食可以減$10就叫咗個藤椒爽脆魚皮魚皮入口爽脆麻辣口感十分過癮最後點少得冰凍嘅康師傅而家天氣咁熱食完熱嘢同辣嘢飲啖冰凍嘅康師傅

上個禮拜返完不想消費食完花甲粉非常難忘，但係原來香港都唔容易搵到，好彩九龍灣新開開咗一間花甲粉專門店，完全有內地嘅味道，而且份量非常大！聽講六月先新開張！花甲粉店位於德福廣場5樓嘅food court，花甲非常新鮮鮮味，錫紙包住熱辣辣！叫了羊肉花甲粉，叫咗少少辣，怕辣的我，但卻很喜歡刺激的辣味，粉絲又滑彈牙有口感，可以轉米線或菜底加$8仲有稻庭烏冬添！羊肉同埋粉絲份量都唔少，辣得好過癮！另外叫咗個肥牛花甲粉，原來清湯更加適合我，肥牛同花甲的鮮味不會比辣味蓋過，而粉絲吸收了所有牛肉和花甲的鮮味！湯底也是清甜的！價錢唔貴，性價比高，德福又一好選擇！

喺德福2期food court試吓新開既花甲粉，原來6月1日先開張，難怪咁多人試。最大賣點係可轉菜底,粉絲,米線+$8轉日本稻庭烏冬/加底餸料有得揀牛羊豬魚蠔，$58起連飲品算幾抵玩！ 香辣伊比利亞橡果豬花甲粉估唔到伊比利亞豬同花甲粉幾夾。肉片有咬口又吸湯，最驚喜係湯底清甜唔死鹹，飲多幾啖都唔口渴。粉絲底份量超多又吸湯，小辣已經有殺傷力，怕辣真係要叫「走辣」，但鍾意蒜香辣嗰香辣鮮味花甲粉配米線，花甲約有十隻，隻隻鮮甜冇沙，仲有豆卜、娃娃菜同金菇鋪滿碗，夠晒滿足。 +$19有蒜香焗娃娃菜，好多蒜蓉，焗得香口又juicy。跟餐飲品有紙包/罐裝揀。

德福廣場food court終於有新野!一行入去正面就望到間鋪頭，佢哋既花甲粉特色係用錫紙墊住，好似個碗咁兜住，眼見好多人排隊食，我哋都唔執輸排埋一份😋✨香辣肥牛花甲粉 $69揀左小辣同粉絲，粉絲份量十足，索曬湯底既精華🤤每一碗基本上都有花甲、豆卜、菜、金菇、莞茜、韭菜等配料，可以再on top揀想要既餸，我就揀左肥牛🤤唔係好食到辣，可以揀微辣，食到咁上下好辣，好彩有包冰凍道地烏龍茶解辣👍🏻✨香辣鮮味鴨血花甲粉 $72
呢碗就揀左日本稻庭鳥冬要額外加多$8，烏冬口感彈牙，鴨血口感滑嫩，配埋花甲粉既粉底好濃郁入味😋

有一段時間冇行德福，都唔知 food court 而家有咩餐廳，大概都係望吓食客多數食咩就知點揀。原來呢度最旺花甲粉，可能係新開關係，大家都想試新嘢。主角就係花甲粉，要多款，當然要有豬牛羊，另有鴨血同廣島蠔，或者小食。可揀菜底、粉絲、米線，或+$8轉日本稻庭烏冬/加底。羊肉片花甲粉肥牛花甲粉羊肉既羶味同花甲粉既辣味配合得唔錯，至於肥牛就一向穩陣。花甲數量也不少，另有豆卜、金菇和娃娃菜，”吸湯三寶”。但留意番，就算唔食得辣，花甲粉真係點都要小小辣先好食。最驚喜係粉夠多，粉絲雖然唔係貴嘢，但一啲都唔吝嗇，真係會食到飽，難怪成個food court咁多間佢最好生意。

九龍灣德福food court 最近新開左間陳仔花甲粉，扶手電梯一上就見到，見都幾多人叫，等我又試下先～🍜肥牛花甲粉 ($69)肥牛嘅肉質好嫩，唔會好肥👍🏻粉絲吸收曬湯底的味道，食落幾過癮~我叫咗小辣，但實際上已經好辣🥵如果你唔係好食得辣，建議叫唔辣，否則可能會食得辛苦🥵🍜鮮味鴨血花甲粉 ($64)鴨血滑嫩，花甲新鮮，都有一打花甲係入面😗湯底味道濃郁，搭配花甲的鮮味，都唔錯既~不過，我都係叫左小辣，辣得好辛苦😥 另外我仲叫左藤椒爽脆魚皮 ($39)，唔太辣，魚皮都真係好爽脆，食到停唔到口🤭花甲粉份量好足，不過如果你唔太食得辣，記得真係真係唔好叫辣😂但如果你係食辣之人，而間花甲粉你一定覺得好正😆

#20250628 📝📍 #陳仔花甲粉 @signature_clam_vermicelli 九龍灣偉業街33號德福廣場2期5樓Foodeli 501B5號舖➖➖➖➖➖➖➖➖➖➖➖➖➖➖➖➖➖#香辣 #羊肉 #片花甲粉 $69💭 一段時間無尼德福，都唔知依家呢度開左個food court，除左啲平時food court常客之外，竟然有間賣花甲粉，原來佢地6月1號先岩岩開張🤩平時食呢啲花甲粉都係得花甲做餸，呢度係花甲之餘仲有個肉可以揀，咁都幾抵👍🏼啲羊肉片係啲辣入面味道依然好出，鐘意食羊既朋友仔要試下🐏.#香辣 #伊比利亞橡果豬 #花甲粉 $69💭 另外揀左個豬肉，始終覺得花甲粉同粉絲最夾，但唔食粉絲都可以要菜底、米線，仲可以加$8要稻庭烏冬或者加底，份量都幾大兜，真係有機會飽到食唔晒，辣度揀小辣不過一啲都唔惹少，奉勸怕辣既朋友仔都係唔辣好啲😂但鐘意佢隻辣唔係齋辣，而係蒜辣勁好味，仲有啲豆卜、娃娃菜同金菇好豐富，主角花甲都有大約十隻，鮮甜彈牙，正😎. 🥢 #蒜香焗娃娃菜 +$19 🥢 #道地烏龍茶 #道地巨峰提子汁 💭 叫花甲粉會跟個野飲，有紙包亦都有罐裝揀，都係平時常見果啲，而且可以用

星期五晚加班到七點多，近近地去德福個美食廣場食埋野先走啦，見有間新開嘅花甲粉店，試下先。⭐羊肉花甲粉朋友點左羊肉花甲粉，羊肉幾多片，有羊肉香唔錯喎。花甲無沙，約有六隻。要左中辣，朋友話辣度啱啱好合佢口味😋⭐芫茜山花甲粉自己就點左芫茜山花甲粉，芫茜比羊肉貴🤔芫茜算幾多，新鮮又香口！呢碗有十隻花甲喎，碗碗唔同？辣度要左小辣，啱我口味。粉絲勁多，食極都唔見底，超飽呀😆⭐冰紅茶跟餐轉左冰紅茶，加$5都抵吖。發覺個場都幾多人食花甲粉，但佢出餐都好快，十分鐘內有得食啦。

德福商場shopping完之後在food court碰見呢間花甲粉，原來剛剛在6月1日新開張，款式選擇都幾多，可以揀米線、粉絲或者菜底，又或者加$8轉稻庭烏冬/加底，最後二人選擇了伊比利亞橡果豬花甲粉以及無骨魚片花甲粉，套餐包飲品。伊比利亞橡果豬花甲粉，花甲粉用錫紙裝住，與普通的肉片比較，橡果豬肉片嘅肉味比較濃，花甲幾大隻，鮮甜，至緊要食落去無沙。粉絲吸收咗辣湯，醒胃又十分惹味。至於個無骨魚片花甲粉，係幾夾個花甲，大家都係海鮮，令到個湯多了一層鮮味，另外有些豆卜，幾吸味。藤椒辣魚皮都幾過癮，魚皮爽口，麻辣帶椒香，食完一塊又會想夾下一塊。

🍽️德福food court 新開咗一間食花甲粉，放工路過去試吓😋問返店員，新鮮滾熱辣6月1號開張，去到food court都見到好多人點嚟食!✨香辣肥牛花甲粉 $69✨香辣鮮味鴨血花甲粉$64可以自行搭粉絲、烏冬、米線，仲可以配菜底。辣度可以調，仲配有一包紙包飲品，解渴一流！😆一打開錫紙，就聞到熱辣辣嘅花甲粉勁香仲滾下滾下咁，好有驚喜令人有哇一聲嘅感覺～花甲份量多，而且新鮮又夠大隻，食落好鮮甜，配埋有好多蔥同芫荽嘅湯，再加埋吸味嘅粉絲同辣椒食落好惹味～同埋份量都好大，小鳥胃嘅可以兩個人分一碗，然後再點配其他小食😋

星期六放假去咗九龍灣行吓，見到佢哋food court有一間6月頭新開嘅花甲粉，星期六都仲有下午茶餐，非常抵食，所以就決定試吓！我哋嗌咗兩個餐，分別係 伊比利亞橡果豬花甲粉🐷$59 同埋 香辣鮮味鴨血花甲粉🦆 $54，每兜花甲粉都有八隻大大隻既花甲，洗得好乾淨完全冇沙～兩款配料各有特色，我自己就覺得鴨血更加惹味😋😋花甲粉除咗可以揀粉絲做麵底之外，仲可以轉菜底、米線 或者 +$8轉日本稻庭烏冬，驚唔夠飽想加底既話都係$8咋～套餐已經包左紙包飲品，我地就揀左道地巨峰提子汁🍇 同埋 道地烏龍茶🫖另外，我哋仲叫咗蒜香焗金菇🍄‍🟫$19 做小食，估唔到呢個蒜蓉金菇撈埋落個花甲粉到咁好食，推介大家嗌返個，配搭花甲粉一齊食，超正！

九龍灣德福food court多咗好多嘢食，今次試咗喺正門口嘅陳仔花甲粉可以揀粉絲之外，仲可以揀菜底，想食少啲輕盈啲都冇問題呢度都幾多款口味材料可以選擇，仲有下午茶，可以食平啲，份量少啲但都夠飽🥢芫荽山花甲粉自己好鍾意芫荽，所以要咗芫荽山花甲粉，配原本嘅粉絲，粉絲份量超多，花甲尚算大隻清甜新鮮，原來飲食都幾爽粉絲，即使係話下午茶，但份量覺得都冇特別太少，女仔食都有少少食唔晒🥢伊比利亞橡果豬花甲粉要咗菜底，伊比利亞橡果豬有豬味有質感，幾好食，最欣賞湯底清甜，飲咗幾啖都唔會太鹹，好味🥢藤椒爽脆魚皮揀埋小食試吓，呢款預備我自己好鍾意，口感爽脆，有啲辣椒油、藤椒味道，味道刺激食唔停口

香辣伊比利亞橡果豬花甲粉伊比利亞橡果豬花肉質唔錯, 呢個轉左米線底但份量比想像中多好多, 建議食唔到辣既可以揀唔辣或者微辣就好, 試左啖朋友既小辣真係有料到🤣鮮味鴨血花甲粉鴨血配花甲原來係咁好食, 花甲處理得幾好 完全唔會有沙, 微辣被粉絲吸左啲湯汁好夠味!! 粉絲同啲料既份量都好足夠, 差啲食唔哂🫣紙包飲品係包埋, 有道地烏龍茶/ 綠茶, 巨峰提子汁, 而可樂就都係加$5都抵食每款都有得調整辣度, 粉絲底郁可轉菜底 / 米線, 又或者+$8轉日本稻庭烏冬/加底。堂食既話仲有個石鍋保溫!! 不過我地諗住慳時間就外買走, 佢都有錫紙包住保溫!!!

德福二期既foodeli 美食廣場選擇都幾，樣樣野都好想試吓‼️最後揀左陳仔花甲粉。眼見都唔少人食緊呢個包住錫紙既花甲粉‼️試咗個香辣肥牛花甲粉，中辣，配左粉絲，打開個錫紙，香味已經湧緊出黎，粉絲吸晒個湯底精華‼️我覺得辣到啱啱好，非常惹味，最後飲咗大半碗湯，花甲新鮮的，大概有10粒，都算飽滿。朋友食咗個鮮味鴨血花甲粉，唔辣的，我覺得花甲粉一定要配辣湯😂😂。另外套餐加咗$29配咗個香辣魚皮，份量正常，同朋友share，魚皮都算得上爽口彈牙，味道不過不失。PS.下次會挑戰大辣