Slowlife 漫活堂 (已結業)

首先我要講下依間野嘅冷氣好唔掂，依家夏日炎炎，佢嘅落地玻璃曬到成間餐廳勁熱，但係個冷氣可能壞咗，我一路食一路覺得好焗好熱。間餐廳好窄好細，但裝修都幾清新。講返食物先。呢個雞髀雞有雞味，真係食得出佢冇乜點用調味料，因為依間餐廳係標榜冇味精，講真要健康就唔會好好食，只能講幾健康，雞肉係彈牙新鮮，意粉味道偏淡，蘿蔔同洋蔥就少少怪味，尚可入口。士多啤梨柚子沙律嘅士多啤梨唔算好甜，普普通通，個醬汁少左啲但都幾惹味既。個賣相好靚份量都幾多。龍蝦雞肉 pizza 目測龍蝦肉不多，但係啲龍蝦肉真係好新鮮好彈牙，有海水味，雞肉似係佢隻雞脾個種好似好organic 好新鮮嘅雞。又係醬汁唔夠多，食到餅皮附近就會覺得唔夠味。總括嚟講，健康之選。