重慶劉一手火鍋店 (已結業)

之前聽過銅鑼灣嘅劉一手好好食，所以好想試好耐，今日終於食到啦有成兩層高，成日都見到坐爆人，睇嚟間嘢唔簡單。呢度嘅鍋係凹入枱，打起邊爐上嚟就唔洗抬住隻手打，係舒服好多嘅~裝修以懷舊佢主題。地方都好大，位與位之間都唔會太近，私隱度都ok。一邊係皮蛋芫茜豆腐湯另一邊係雜菌蟲草花湯底。呢兩個湯底啲料好足，見到啲野菌多到睇唔到個鍋底就知。水餃就聽得多，燕餃真係第一次聽，餡料以豬肉為主，食落皮薄，餡多黑豚肉就帶爽口，起曬雪花紋，油脂比例啱啱好，因為切得較厚身，所以比較有咬口。脆肉腩，就將腩部分成兩段，大骨位亦都被掹曬出嚟，食落啖啖肉。貴妃蚌就真接喺水缸直接撈出嚟，所以新鮮度高冇咩沙。呢間劉一手，除咗有特色湯底之外，連嘢飲都特別過其他地方，我就叫咗杯椰汁沙冰，飲落好清甜，沙冰打到好幼雪一樣，食到成個人熱辣辣，飲返杯冰特飲炸一炸，成個人爽晒。