就是偏偏喜歡你 (已搬遷) 新店位置

朋友生日指定要去呢間嘢，個名勁娘，知道係打卡勝地，不過都不太抱期咁入去，一去到，間嘢超細，有少少壓迫感，不過坐落就發現周圍都有打卡位，又有兔子勁可愛 ，啲嘢食又ok好味，杯嘢飲又靚靚好味，成條氣順返，食到一半，竟然熄燈有職員幫你生日慶祝，感覺有啲似海底撈式的生日驚喜，但係靚啲高雅少少，好開心，個職員重係超級識影相，教埋身體姿勢手點擺，砌到張枱靚靚，再放個特大發光生日字同你影相，本身我覺得自己的位置唔夠靚，點知個職員幫我哋影到超靚，真係太開心了，臨到收工我都唔肯走要周圍打卡，個職員超好，都重好耐心咁教我擺姿勢，攞個靚角度幫我影，再有朋友生日，我一定會帶佢去呢度。