糖仁街 (已搬遷) 新店位置

尋日食完豬仔糖水嘅綿綿冰，今日去呢間試試，好彩唔太晏九點幾到，先至唔駛等。我先叫咗個熱情沙漠($45)，其實係椰子+芒果冰底、生果、QQ果，先講冰底椰子同芒果味不足，其次D QQ果好似畀糖水浸過好甜，失望！食完再畀多次機會佢，再叫多個日本南瓜綿綿冰($33)，配一款生果、Nut同醬汁。食落都係唔掂，都冇南瓜味，如果唔講根本唔知係南瓜囉！其實個冰底好重要，我只想係一分錢一分貨。之前我去天后嘅一間甜品店，配料係唔夠多，但係個冰底非常足味。我唔會再去食第二次，因為出面有更好選擇。Summary: 其實佢地點位置好好，只要能提升食物質素就一定大把生意。佢仲强調自已個冰底係自家製。