度小月 (海運大廈) (已結業)

咁嘅服務同咁嘅食物質素，真係做壞自己個招牌。今日去食lunch，佢話每人最少消費＄60 ,所以三個人叫咗2個擔仔麵、2碗滷肉飯，都未夠錢，所以叫埋蚵嗲同埋黃金蝦卷share。首先啲waitress完全hea做，反晒白眼咁，我落單都未講完，佢又唔覆單，乜都冇講就拎走個Menu走咗去。食物方面，個蚵嗲奇差，滲晒油咁，裏面得半隻蚵仔，又硬又咬唔斷，好難食。黃金蝦卷又係油淋淋，一啲都唔好食。寧願嘥錢都食唔落。咁嘅服務同質素，打爛自己個招牌，相信佢個洪氏先祖都冇眼睇。