影片
更多
2025-06-12
676 瀏覽
Chicken Egg Boy我去過3次，第一次摸門釘因為估唔到佢星期日唔開。第二次係因為條隊實在太長所以冇食到。直至前幾日咁啱lunch時間過後行過，見到排隊少過10個人，所以決定人少少等一等。本身係為咗打卡佢個菠蘿包雞蛋仔而嚟嘅，但睇個餐牌先知原來佢係一間慈善咖啡店，所有盈餘100%會用黎做慈善用途。食嘢可以做善事，真係要多啲幫襯吓👍🏻Q版菠蘿包雞蛋仔 $59呢個唔使多講，好多人專登嚟都係為咗試佢。個樣超得意，第一時間影相📸。每日限量發售，每一個都係新鮮整起，啲邊邊位食落係脆既。自選咸味雞蛋仔 : 5寶 (火腿、鹹牛肉、腸仔、蛋、餐肉) $54佢可以自選嘅材料我都揀晒😂入邊真係材料十足，口感鬆軟。呢個幾有驚喜，鹹鹹地甜甜地幾好食啵。呢個整嘅時間比菠蘿包雞蛋仔快，趕時間嘅可以嗌呢個試下～凍奶茶 $27凍檸賓 $27
本身係為咗打卡佢個菠蘿包雞蛋仔而嚟嘅，但睇個餐牌先知原來佢係一間慈善咖啡店，所有盈餘100%會用黎做慈善用途。食嘢可以做善事，真係要多啲幫襯吓👍🏻
Q版菠蘿包雞蛋仔 $59
呢個唔使多講，好多人專登嚟都係為咗試佢。個樣超得意，第一時間影相📸。每日限量發售，每一個都係新鮮整起，啲邊邊位食落係脆既。
自選咸味雞蛋仔 : 5寶 (火腿、鹹牛肉、腸仔、蛋、餐肉) $54
佢可以自選嘅材料我都揀晒😂入邊真係材料十足，口感鬆軟。呢個幾有驚喜，鹹鹹地甜甜地幾好食啵。呢個整嘅時間比菠蘿包雞蛋仔快，趕時間嘅可以嗌呢個試下～
凍奶茶 $27
凍檸賓 $27
張貼
