洪記麵家 (沙田商業中心)

營業中

休息中

通常假期就係想食魚蛋粉牛雜麵，呢啲令我覺得舒服嘅嘢食。😂😂今次叫左牛雜魚皮餃河粉，佢嘅牛雜嘅量係幾多嘅。有腸、牛肚牛肺仲有金錢肚，份量都好夠，每款大概有兩件。另外魚皮餃佢似係自家製，唔似叫貨嗰啲，個皮好煙靭！而且個餡料都好豐富。值得一讚嘅係，我外賣叫佢多青，佢真係多青咗俾我。😂😂另外我哋散叫咗一個牛坑腩淨食，每一件牛腩都好靚，肥瘦均勻，同埋真係俾坑腩位你，軟硬入味！而且佢仲有啲芥蘭鋪底，真係入晒味好好味，雖然138有少少貴，但係值得一試！