幸福駅 (香港大學) (已結業)

星期日要去港大做嘢，事前都資料搜集咗當日冇乜公眾食店開，只能幫襯這間外帶便當。餐牌的set A至C都只show鰻魚飯的圖樣，錯覺以為只得鰻魚飯，問多兩問，看檔姐姐仔開始就唔耐煩，其實即係凍櫃自由配搭飯餐唧。揀咗一鰻魚便當配三文魚籽飯團、一燒雞便當，兩飯餐都配蕨餅。色相預咗一般，飯盒微溫偏凍，鰻魚要加多$8意外地好食，燒雞就中規中矩，飯團咬左接近三分二先見到走埋一邊嘅三文魚籽十幾廿粒度。飯係飯團好過便當啲飯，便當飯太硬。配料如藕片、醃牛蒡反而不俗。而對於我等之蕨餅控感到懷疑人生，嚼感係蕨餅但看起來應該係抹茶蕨餅但一啲都冇抹茶的甘味，得草腥味。