鳥棲日本料理 (已結業)

假期喺觀塘行街，見到樓下有呢間日本料理嘅宣傳，我哋就即上去睇下環境同餐牌。一見到呢個花場已經心心眼💕內在環境都好舒服，見到佢嘅設置係梳化， 相信一坐落去就唔願起身！有一小部份枱，都係用返正常嘅枱櫈，視乎返你鍾意hea下，定正式啲咁樣坐。除咗main menu之外，仲有一張drink menu同埋一張推介menu。見到佢有唔同嘅特飲，我哋當然都要點一杯嚟試下啦！藍色係綠薄荷富士山 ～上枱嘅時候，有一個雪糕球喺嘢飲嘅面， 而杯底係會有唔同色嘅閃燈做裝飾， 店員放低時，已經話要小心啲攪勻個雪糕球， 將雪糕球溶入呢個特飲度， 而薄荷味好啱夏天飲，因為涼浸浸！爽呀！黃色係菠蘿乳酸梳打～ 特飲上面會有cream，一樣都會搞勻先至嚟飲，啖啖菠蘿味加埋有氣梳打，一樣係夏日必飲，大推！牛油果蟹籽沙律～ 出街食嘢，通常都會想食個沙律做前菜，因為天氣好熱，食個沙律，涼浸浸開胃，另外，出街食嘢都想食多啲菜，健康一啲！ 沙律菜最緊要新鮮乾淨，而呢度亦都符合到我嘅要求，當中蟹子沙律嘅醬汁，亦都恰到好處！南蠻炸雞籃～ 炸雞大概有五至六件，一早已經淋上醬汁，同時有配上檸檬，旁邊亦都有菜沙律加埋沙律汁， 可以緩和炸雞嘅