合十 (已結業)

今日同女朋友去咗喺觀塘apm附近嘅合十呢間Cafe食Lunch 呢間餐廳都幾受歡迎 接近全場爆滿 燒牛肉紫洋蔥沙律 沙律菜都好新鮮 配上燒牛肉同埋特製嘅泰式沙律汁 可以作為開胃菜 冬陰功海鮮扁意粉 我就最鍾意食扁意粉探佢口感煙韌彈牙 而且配搭嘅海鮮都好好味 蝦肉好彈牙 蜆肉好鮮甜 巨型豬扒跟薯菜 主菜一上碟我哋都不敢嘩一聲 因為豬扒真係好巨型 豬扒唔會過硬 仲幾有肉汁 伴碟仲有即炸粗薯條同埋翠玉瓜蕃茄等等嘅蔬果 另外不得不提嘅係佢跟埋嘅黑椒蜜汁好好味 薯條同豬扒點佢都好食 另外嗌咗兩杯特飲 多一士不如少一士 呢杯其實係士多啤梨Yogurt Smoothie 攞你命三千粒 其實就即係切粒嘅新鮮水果茶 兩杯飲品個賣相都好精緻 好適合打卡