倫敦大酒樓

營業中

休息中

同媽咪和細佬去旺角律師樓辦手續，完成後，媽咪想去飲茶，佢揀咗間傳統酒樓倫敦酒樓 ， 我真係唔習慣光顧傳統酒樓，要自己搵位， 要去車仔攞點心， 可能係假日，客人比較多，我哋要喺人哋後面等咗20多分鐘才有位， 我哋叫左點心：鯪魚球、叉燒腸、蝦餃、小籠包、 燒賣、生菜水餃和蘿蔔糕等，其中鯪魚球和叉燒腸較為出色，鯪魚球彈牙有魚味唔腥，叉燒腸皮薄夠滑， 但蘿蔔糕只有粉漿無蘿蔔味， 可能係做街坊生意，伙記招呼一般， 如果唔係媽咪要來，我一定唔會幫襯。