酷廚 (已結業)

工作需要關係要去到荔枝角，本身唔係好熟呢頭，所以都問定朋友lunch有咩選擇。朋友介紹左幾間餐廳，原來我一直誤會左，呢幾年荔枝角已經開多左好多有質素既中上餐廳，而且價錢相對係較抵食~ 唔講唔知~ 都有幾個Shopping Mall!最後因為當刻行到D2附近，就上左去D2placeTWO既KOOL Kitchen. 上一層就見到，唔熟路都路難搵。朋友話呢度主要食漢堡同意粉，所以就叫左個煙肉芝士漢堡試下，但其實都有意大利飯同紅米飯揀，都算幾多選擇煙肉芝士漢堡配蛋黃醬～好香又大份，漢堡味道好好又有肉準～算係驚喜。不過漢堡又大，薯條又多仲要係粗薯，真係要慢慢慢慢食先食得曬。跟餐送飲品都有好多選擇，有女仔最岩飲既熱紅棗蜜！正！總括呢度食物唔錯，價錢唔貴，地方好大好舒服，可以慢慢坐慢慢食，下次同荔枝角朋友聚會會揀番呢度～可以試埋其他野食