影片
更多
2022-05-05
730 瀏覽
餐廳喺中環雲咸街嘅商業大廈裡面，大廈其貌不揚，但𨋢門打開，木雕花紋嘅牆身映入眼簾，黃金色嘅餐廳招牌充滿貴氣，感覺立即截然不同。餐廳裝潢以木、石材質為主，配上藤織裝飾、仿真植物，充滿印度風情；此外地方寬敞明亮，背景播放住輕快柔和嘅音樂，配搭枱面嘅金色餐具，瑰麗大氣但不落俗套，同傍晚相對僻靜嘅中環半山區比較，真係有啲與世隔絶嘅感覺。坐低無耐，店員就送上印度薄脆小食，蘸醬汁食味道少少香辣，香脆可口。 我哋就邊食邊揀菜啦～先叫兩杯印度傳統飲品Lassi，四種口味之中我哋揀咗芒果同玫瑰；飲落有啲似奶昔，稍為輕盈啲，味道亦都唔會過甜，用嚟作為餐前飲料都得㗎～兩道頭盤用嘅餐碟都靚到好似藝術品咁，加上擺碟講究，當然要相機食先啦。不過影多一陣都唔擔攤凍咗啲食物，因為上枱時隻碟仲係熱架，可以保持食物溫度，認真細心。【炒蝦, 番石榴酸辣醬】炒蝦上面係紅菜頭片，下面係番石榴+紅菜頭乳酪酸辣醬。蝦夠大隻鮮爽，酸辣醬帶有番石榴果香，味道好有特色。 【烤八爪魚, 焦香粟米, 薄荷乳酪酸辣醬】烤八爪魚都幾大隻，肉質雪白彈牙，本身已經味道濃郁，烤過更加風味十足；粟米應該係落咗啲檸檬汁烤，甜中帶酸；旁邊白色嘅係薄荷乳酪酸
坐低無耐，店員就送上印度薄脆小食，蘸醬汁食味道少少香辣，香脆可口。 我哋就邊食邊揀菜啦～
先叫兩杯印度傳統飲品Lassi，四種口味之中我哋揀咗芒果同玫瑰；飲落有啲似奶昔，稍為輕盈啲，味道亦都唔會過甜，用嚟作為餐前飲料都得㗎～
兩道頭盤用嘅餐碟都靚到好似藝術品咁，加上擺碟講究，當然要相機食先啦。不過影多一陣都唔擔攤凍咗啲食物，因為上枱時隻碟仲係熱架，可以保持食物溫度，認真細心。
【炒蝦, 番石榴酸辣醬】
炒蝦上面係紅菜頭片，下面係番石榴+紅菜頭乳酪酸辣醬。蝦夠大隻鮮爽，酸辣醬帶有番石榴果香，味道好有特色。
【烤八爪魚, 焦香粟米, 薄荷乳酪酸辣醬】
烤八爪魚都幾大隻，肉質雪白彈牙，本身已經味道濃郁，烤過更加風味十足；粟米應該係落咗啲檸檬汁烤，甜中帶酸；旁邊白色嘅係薄荷乳酪酸辣醬，酸辣中帶清香，味道更多層次。
主菜我哋叫咗兩道咖喱菜式：
【牛油咖喱雞】
咖喱味道帶淡淡香料味，口感creamy；雞肉係碳烤嘅，肉味十足，碳烤味同咖喱香味好匹配。
【澳洲盲鰽魚咖喱, 新鮮椰子, 咖喱葉】
咖喱味道帶椰香味，口感亦都好creamy；盲鰽魚肉質結實嫩滑，魚嘅鮮甜同咖喱椰香味混和，風味十足。
兩款咖喱味道有各有風味但都同樣美味，難分高下，打和啦Super~
要食晒兩款咖喱梗係要叫印度薄餅蘸嚟食啦，推介黑松露芝士味，黑松露 X 咖喱味道配搭都幾新鮮特別。
最後係甜品【熱情果椰子蛋糕】。灰黑色透明大玻璃碟裝住雪白嘅椰子蛋糕，燈光照射下非常吸睛。外層軟滑忌廉包住鬆軟蛋糕；想試下另一種味道可以蘸少少旁邊嘅新鮮熱情果肉，酸酸甜甜更有特色。
平時出去食都以火鍋、燒烤、中式、西式、日式、東南亞菜等等為主，其實印度菜都好好食，今餐每一道菜都水準以上，要帶朋友嚟encore先得。
張貼
