更多
2017-10-20
1833 瀏覽
好耐無寫食評，但今次一定要寫，因為要表揚一下其中一位服務員，工作態度好得不得了。首先一坐低，就已經有服務員問飲咩，因橙汁，汽水，生啤都係任飲，每次都會等我哋飲晒之後５分鈕鐘內問要唔要多杯，免得造成浪費，我非常欣賞呢種做法；今次同行有一位長者係坐輪椅，該服務員Dennis非常醒目地走嚟問我要俾咩佢飲，我叫俾半杯橙汁，飲完之後，佢又好醒目地問我洗唔洗幫佢refill，唔會公式化地去為客人refill，非常體貼。之後我又問殘廁嘅位置，佢指示我之後就問要唔要幫我推嗰位長者去殘廁，我表示唔洗，因我有帶工人姐姐去，但佢都無話走咗去，一直睇住洗唔洗幫手，仲好主動幫我工人姐姐移開沿路其他客人嘅椅，佢好似好明白有坐輪椅號家人嘅需要，仲主動咁幫手，唔表揚呢D咁有heart嘅服務員，我覺得好對唔住佢！唔該晒Dennis！至於食物方面，款式唔算係多不勝數，尤其係熱盤，冷盤有長腳蟹，幾甜！生蠔大部分都新鮮，但瘦少少，間中有一兩隻擺耐咗；翡翠螺彈牙；蝦有蝦味，尚算彈牙；青口有青口味；仲有幾款魚生同壽司，不過無食，睇落去都新鮮；仲有各款沙律及臭芝士，菜新鮮爽脆，芝士都好食。湯有燉湯，有個中式羹，仲有個西湯，我飲咗西
首先一坐低，就已經有服務員問飲咩，因橙汁，汽水，生啤都係任飲，每次都會等我哋飲晒之後５分鈕鐘內問要唔要多杯，免得造成浪費，我非常欣賞呢種做法；今次同行有一位長者係坐輪椅，該服務員Dennis非常醒目地走嚟問我要俾咩佢飲，我叫俾半杯橙汁，飲完之後，佢又好醒目地問我洗唔洗幫佢refill，唔會公式化地去為客人refill，非常體貼。
之後我又問殘廁嘅位置，佢指示我之後就問要唔要幫我推嗰位長者去殘廁，我表示唔洗，因我有帶工人姐姐去，但佢都無話走咗去，一直睇住洗唔洗幫手，仲好主動幫我工人姐姐移開沿路其他客人嘅椅，佢好似好明白有坐輪椅號家人嘅需要，仲主動咁幫手，唔表揚呢D咁有heart嘅服務員，我覺得好對唔住佢！
唔該晒Dennis！
至於食物方面，款式唔算係多不勝數，尤其係熱盤，冷盤有長腳蟹，幾甜！生蠔大部分都新鮮，但瘦少少，間中有一兩隻擺耐咗；翡翠螺彈牙；蝦有蝦味，尚算彈牙；青口有青口味；仲有幾款魚生同壽司，不過無食，睇落去都新鮮；仲有各款沙律及臭芝士，菜新鮮爽脆，芝士都好食。
湯有燉湯，有個中式羹，仲有個西湯，我飲咗西湯係磨菰湯，不過不失。有個服務員又好主動走過嚟幫我裝湯，服務真係好。
Carving係例牌嘅燒牛肉，肉算嫩，牛味再濃Ｄ更好。
有個麵檔，有各式粉麵，我無食，我老公食咗碗魚蛋河，佢話ok好食。
熱盤有蒸龍蝦，薯蓉，青口，蒸魚，炸雞，兩款菜，炒飯，燒味，日式燒章魚丸子，仲有幾款都唔係好記得係乜，各款都過得去，無驚喜。
不得不提呢個煎三文魚，好食到呢......，又嫩滑又香，不過一定要等嗰個矮矮地少少肥嘅姐姐煎，佢煎得好食好多。
甜品都不錯，尤其Cheese cake，好好食；仲有ＨaagenDaz雪糕，非常滿足。
最後飲埋杯檸水，大滿足！！
其實都嚟過幾次，今次係食得最開心！I'll be back!
題外話/補充資料：
Openrice有8折coupon，唔好唔記得print埋帶去
(以上食評乃用戶個人意見 , 並不代表OpenRice之觀點。)
張貼