奇蹟拉麵 (已結業)

位於屯門新墟嘅隱世拉麵店，店面好細，只有大約十個座位，週末嘅中午，喺旁邊的小巷子排咗半小時左右。❃ 清湯醬油拉麵❃ 原味濃拉麵因為我怕油膩嘅關係，所以試吓醬油湯底，估唔到非常驚喜，湯頭好香鰹魚味，清湯醬油兩者味道融和，推介。原味濃湯我只係試咗一啖，鐘意佢唔係嗰種濃稠同油膩得誇張嘅湯，湯頭用上雞、豬同海鮮作基底，更有層次。配上偏幼身麵條，清爽有咬口，叉燒好大一片，偏粉紅色，無咩肥膏，食落軟冧！溏心蛋口感軟滑但略嫌唔夠入味，筍爽甜好食！呢間係我食過以嚟最啱口味嘅拉麵，有種難得嘅精緻感。佢間中會有期間限定嘅口味，希望冬天時可以試到鴨湯拉麵❤️