影片
更多
2024-05-15
58 瀏覽
Carbs既裝修型格。環境乾淨企理。我見到有客人用餐離開後，職員會即刻收拾抹枱。我哋兩個人叫咗以下菜式。Spicy pepperoni - medium size （$108）: 用spicy pepperoni, mozzarella同埋tomato sauce 整既pizza. 佢哋嘅Pizza係厚批所以夠晒飽肚。Pizza質地鬆軟。用上Tomato sauce令到Pizza唔會太乾。而且拎起pizza時cheese做到長拉絲嘅效果，好吸引。炸雞翼（$78）另加$5要咗buffalo: 職員有問我想buffalo放喺炸雞翼上面，定係另外分開上。我揀咗另外分開上，咁就可以想點幾多就幾多。炸雞翼嘅炸粉咬落好酥脆。雞翼大隻又Juicy。配上buffalo, 辣辣地又幾開胃啵。Skillet cookie ($88): 用chocolate chip cookies, vanilla ice cream, caramel & chocolate sauce整嘅一個甜品。呢個一定要快食。因為佢個熱辣辣既 cookie底上面放咗一個雪糕球。所以要喺雪糕溶之前食晒佢！佢個Cookie底熱得黎好軟
Carbs既裝修型格。環境乾淨企理。我見到有客人用餐離開後，職員會即刻收拾抹枱。
我哋兩個人叫咗以下菜式。
Spicy pepperoni - medium size （$108）: 用spicy pepperoni, mozzarella同埋tomato sauce 整既pizza. 佢哋嘅Pizza係厚批所以夠晒飽肚。Pizza質地鬆軟。用上Tomato sauce令到Pizza唔會太乾。而且拎起pizza時cheese做到長拉絲嘅效果，好吸引。
炸雞翼（$78）另加$5要咗buffalo: 職員有問我想buffalo放喺炸雞翼上面，定係另外分開上。我揀咗另外分開上，咁就可以想點幾多就幾多。炸雞翼嘅炸粉咬落好酥脆。雞翼大隻又Juicy。配上buffalo, 辣辣地又幾開胃啵。
Skillet cookie ($88): 用chocolate chip cookies, vanilla ice cream, caramel & chocolate sauce整嘅一個甜品。呢個一定要快食。因為佢個熱辣辣既 cookie底上面放咗一個雪糕球。所以要喺雪糕溶之前食晒佢！佢個Cookie底熱得黎好軟熟，又唔會太厚，配埋凍冰冰嘅雪糕真係好好食呀！
梳打水（$20）：食pizza一定要飲碳酸飲料先爽。
佢嘅食物真係令我回味。為咗食佢，我願意做多啲運動！
張貼
