越味皇 (已結業)

因為雜誌介紹呢一間越菜，所以今次專程來試吓。先講環境座位都好寬闊，值得一讚係呢度嘅服務員態度十分好的。如果有卡位亦都會盡量安排比客人，唔需要客人自己要求，另外亦都會同客人講解一下啲食物餐牌，十分之有善。落單上菜亦十分之有效率。我同朋友一人叫咗一個粉都係呢到嘅招牌菜。我叫左呢個越味皇蝦頭膏湯檬粉，湯味濃郁番茄味同埋蝦味啱啱好，而且份量亦都好多。朋友另外叫咗個頂級生牛肉湯河，牛肉新鮮，湯底鮮味。另外仲有好多小食好想食。但係因為得兩個人，所以就叫左柚子鮮蝦沙律、牛油雞翼同埋蝦餅。個人覺得個蝦餅最好味，因為佢炸得啱啱好，唔會太硬，啲蝦餅好爽口彈牙。另外，其實個雞翼都好好味，夠大隻，d雞肉都炸得幾鮮嫰。個沙律啲蝦都好新鮮，好大隻、啲柚子亦都好甜。整體來講我覺得呢間鋪頭同雜誌所形容嘅都係一樣咁正，無論價錢環境同食物都係好成正比，會再嚟食！