Zummer (已結業)

上星期去過呢間新開既Zummer食Lunch覺得好有水準，情人節提前慶祝，一於同男友黎呢間，有信心！餐廳新開張，好好彩我地上到去仲有位...根據餐廳經理推介，我地order左兩份Set Dinner:－－－頭盤係天婦羅軟殼蟹凱撒沙律個人唔太鐘意食油膩野，但個蟹都尚算ok唔太油，個沙律仲加左D咸咸地既火腿，濃淡得宜。－－－蕃茄忌廉湯呢個湯係用鮮茄煮既，好濃好香，配埋餐廳免費提供熱辣辣既麵包，一絕！－－－主菜我地選擇左黑豚扒同照燒肉眼扒share聽餐廳經理介紹，佢地係選用安格斯肉眼扒既，唔怪得啦，肉質鮮美，份量十足，無得頂呀！而個黑豚扒呢，亦都唔錯！男朋友都讚呀！－－－甜品我地另外order左豆腐芝士餅同埋心太軟，唔止賣相靚靚，仲好有水準！心太軟外層脆既，正！個人特別鐘意食cheese case，相對一般cheese cake，呢個豆腐芝士餅唔太濃味，感覺好清新，雖然食到好飽，都要食晒佢！