影片
更多
2024-05-07
1138 瀏覽
朋友推介嘅靚餐廳，每款食物都係高水準，真心覺得「正」！ 莫云係遨凱酒店入面一間高級中菜館，由港鐵奧運站行過去都係幾百米，行完街過去食好嘢就啱晒～ 餐廳地方廣闊，枱與枱之空間感足，環境舒適。 想食豪啲，先叫咗兩款翅。 上翅之前店員先上咗一碗湯俾我哋試吓個湯啱唔啱味先，可以稍作調較，幾窩心！清宮皇燒大鮑翅 清澈鮮甜嘅上湯加上大大梳嘅鮑翅排，口感豐富大滿足，值得慢慢品嚐～生拆蟹肉乾撈翅一上枱，賣相已經相當吸睛。用鮮橙色嘅蟹蓋壓扁佢作為器皿，又用咗食用花、萵筍絲同埋金箔做裝飾，讚！將新鮮蟹肉同乾撈翅翻炒，味道特別鮮甜香口。食一啖蟹肉翅，再飲一啖上湯，風味獨特，味道又融合。黑醋脆鱔柳 雖然只係一道小食，但係份量都幾多。呢道菜以鱔魚柳為主，新鮮鱔魚柳炸得酥脆，肉質非常彈牙，搭配黑醋嘅酸甜，炸物都變得清爽輕盈。乾煸蟹子蝦球粉絲煲 都幾巨型，上面滿滿蟹子籽同蝦球，撈勻咗粉絲之後，每啖粉絲都夾雜住蟹籽，口感爽脆。粉絲做得幾香口，有鑊氣嘅感覺 。鮮果拔絲咕嚕肉 搭配咗新鮮菠蘿，特別開胃。咕嚕肉炸得外酥內嫩，帶少少拔絲效果，加上三色椒粒點綴，風格清新。XO醬蘭度炒安格斯牛柳粒 XO醬嘅香辣味為整道菜增添咗層
莫云係遨凱酒店入面一間高級中菜館，由港鐵奧運站行過去都係幾百米，行完街過去食好嘢就啱晒～ 餐廳地方廣闊，枱與枱之空間感足，環境舒適。
想食豪啲，先叫咗兩款翅。 上翅之前店員先上咗一碗湯俾我哋試吓個湯啱唔啱味先，可以稍作調較，幾窩心！
清宮皇燒大鮑翅
清澈鮮甜嘅上湯加上大大梳嘅鮑翅排，口感豐富大滿足，值得慢慢品嚐～
生拆蟹肉乾撈翅一上枱，賣相已經相當吸睛。用鮮橙色嘅蟹蓋壓扁佢作為器皿，又用咗食用花、萵筍絲同埋金箔做裝飾，讚！將新鮮蟹肉同乾撈翅翻炒，味道特別鮮甜香口。食一啖蟹肉翅，再飲一啖上湯，風味獨特，味道又融合。
黑醋脆鱔柳
雖然只係一道小食，但係份量都幾多。呢道菜以鱔魚柳為主，新鮮鱔魚柳炸得酥脆，肉質非常彈牙，搭配黑醋嘅酸甜，炸物都變得清爽輕盈。
乾煸蟹子蝦球粉絲煲
都幾巨型，上面滿滿蟹子籽同蝦球，撈勻咗粉絲之後，每啖粉絲都夾雜住蟹籽，口感爽脆。粉絲做得幾香口，有鑊氣嘅感覺 。
鮮果拔絲咕嚕肉
搭配咗新鮮菠蘿，特別開胃。咕嚕肉炸得外酥內嫩，帶少少拔絲效果，加上三色椒粒點綴，風格清新。
XO醬蘭度炒安格斯牛柳粒
XO醬嘅香辣味為整道菜增添咗層次感，牛柳粒炒得嫩滑多汁，連菇粒都好入味 。
最後係甜品環節，甜品價錢屬於街坊價，女士特別愛甜品，我當然唔例外，一次過叫咗三款甜品～
桃膠蛋白杏仁茶
口感滑順嘅杏仁茶，加埋滑滑桃膠同蛋白，真係美味又養顏。
豆腐布甸
豆腐布甸質地非常綿密柔軟，豆味香濃，入口即化，上面加咗可可粉，又多一重微甜滋味。
京式鮮奶糕：
京式鮮奶糕奶味濃郁又輕甜，外表平平無奇，但係口感輕盈，好似以前飲宴嘅小白免甜品，童年回憶返返嚟啊。
張貼
