影片
更多
2019-02-28
24 瀏覽
今日同朋友去食開年飯，之前都試過呢間係the one嘅分店，今次就去試下旺角分店睇下水準點。佢位置超級方便，旺角E2出口隔離就係！感覺上呢到闊落d，坐得舒服過尖沙咀店。大概七點到，都仲有空位，不過好彩去得早，因為之後已經好多人等位。串燒—雞、牛、豬燒得啱啱好，肉質仍然好嫩，而且有特別嘅醬料醃過，好惹味！配有一種有馬來西亞風味嘅醬，入面應該有撈少少花生醬，中和番燒烤嘅味道。豬頸肉米紙卷入面包咗類似檬粉、青瓜等食材，配埋酸酸甜甜嘅醬汁，係一道幾開胃嘅菜式。春卷都係配酸甜嘅醬汁，不過今次仲配埋生菜，我地嘅食法係春卷放入生菜捲埋食。因為本身春卷係油炸食物，於是生菜就可以中和呢種味道。香茅燒烏頭推薦！呢條魚係即叫即燒，所以要等大概40分鐘。魚上面舖住啲海鹽，作用應該係令到本身無調味嘅魚可以有味道，配埋佢特製嘅綠色醬料，真係好好食！大蝦菠蘿飯材料豐富，啲飯都算係幾香，唔會炒到一pat野，而且都幾大份，我地幾個最後都食唔曬越式咖喱軟殼蟹配法包咖喱非常香，因為我食得辣，所以佢辣嘅程度我接受到，佢地將軟殼蟹同配料都係分開上，所以唔會因爲浸到好淋而變咗一pat野，將法包點下咖喱食令到個包嘅味道無咁寡。對旺
感覺上呢到闊落d，坐得舒服過尖沙咀店。大概七點到，都仲有空位，不過好彩去得早，因為之後已經好多人等位。
串燒—雞、牛、豬燒得啱啱好，肉質仍然好嫩，而且有特別嘅醬料醃過，好惹味！配有一種有馬來西亞風味嘅醬，入面應該有撈少少花生醬，中和番燒烤嘅味道。
豬頸肉米紙卷入面包咗類似檬粉、青瓜等食材，配埋酸酸甜甜嘅醬汁，係一道幾開胃嘅菜式。
春卷都係配酸甜嘅醬汁，不過今次仲配埋生菜，我地嘅食法係春卷放入生菜捲埋食。因為本身春卷係油炸食物，於是生菜就可以中和呢種味道。
香茅燒烏頭推薦！呢條魚係即叫即燒，所以要等大概40分鐘。魚上面舖住啲海鹽，作用應該係令到本身無調味嘅魚可以有味道，配埋佢特製嘅綠色醬料，真係好好食！
大蝦菠蘿飯材料豐富，啲飯都算係幾香，唔會炒到一pat野，而且都幾大份，我地幾個最後都食唔曬
越式咖喱軟殼蟹配法包咖喱非常香，因為我食得辣，所以佢辣嘅程度我接受到，佢地將軟殼蟹同配料都係分開上，所以唔會因爲浸到好淋而變咗一pat野，將法包點下咖喱食令到個包嘅味道無咁寡。
對旺角分店印象好好，坐得又舒服，班staff都好nice，有咩要求都會即刻跟進。最重要個part：食物！全部都達到水準以上，得閒約班朋友聚聚真係唔錯！
張貼
