北海丼 (已結業)

今日同另一半去太古睇戲,睇完戲就入左呢間日本餐廳食晚飯. 我自己叫左個迷你吞拿魚三色丼餐,另一半就對鰻魚天婦羅有興趣d吞拿魚丼雖然迷你,但吞拿魚蓉俾得好足,撈埋一齊都食得出啖啖吞拿魚,大拖同中拖都夠肥美 吉列雞扒d 炸粉好薄,唔似外面日式餐廳用厚炸粉黎濫竽充數,呢度d 雞扒夠哂厚肉. 凍豆腐夠滑夠凍,仲好香豆味,出黎食好難食到呢種質素.牛肉烏冬竟然唔係用cheap 肥牛係用靚安格斯肥牛令嗰湯都好香我以前都未試過鰻魚天婦羅,呢度既天婦羅都係炸漿好薄,唔會食到成口粉,鰻魚調味啱啱好,唔會好似燒鰻魚咁濃味,但又食到鰻魚既油香.