樸生•素食 (已結業)

我同屋企人非素食者，但都會周圍試下素食餐廳，見青衣城開咗呢間新派韓式素食，今晚訂檯試試。我地用餐時間90分鐘，進場前收費每位$168。起初同父母有啲未清楚點樣食法😅因為有啲係熟食，有啲係沙律，有啲係用嚟煮年糕嘅食材，店員見到我地都會主動介紹，邊啲係即食，邊啲係用嚟煮年糕的；我地兩個湯底都有試，分別係羽衣甘藍&南瓜，羽衣甘藍加咗素芝士之後，湯底更香濃，南瓜就由於我本人唔好，無試，但爸爸覺得南瓜好夠「融」。講下熟食，推介芝士大啡菇，同埋素漢堡，主要係，我本人好喜歡佢嗰片素芝士，好香，另外我鍾意食啡菇，而漢堡裡面有一舊似係越式扎肉嘅素肉，唔錯沙律啦～有我好喜歡嘅雪耳(之後我用咗嚟滾海帶湯)，仲有紅菜頭同埋萵筍。炸物就有改善空間，分別係秋葵、脆肉瓜同雞脾菇，感覺較單調。幾欣賞佢嘅素煎餅，惹味至於2個湯，泡菜豆腐湯同蘿蔔海帶湯，我較喜歡海帶湯，之後用嚟煮咗雪耳同素麵飲品方面有4個選擇，凍粟米茶、凍柚子茶、熱柚子蜜、熱薑蜜，清新~整體而言，新式，香港未有韓式素食，因此各位喜歡食韓國菜，其實係幾啱~值得一試再試個人期望~如果呢個價錢，可以包雪糕，我地會更開心~可改進地方，食物refill要留意多一點