校長燒肉日韓料理 (沙咀道) (已結業)

今日同朋友到沙咀道嘅校長燒肉日韓料理店嘆放題！ 一班食肉獸最啱！每位98元食五點，單睇價都可以，入到場發現勁多嘢食！好正！食完仲覺得超超值！ 個埸好闊落， 佈置好有童真同有風格！ 唔止淨燒肉仲可以打埋邊爐添！長者，小童都有優惠！十多個食物區， 林林總總好豐富！火鍋料好新鮮！食物排列整齊，乾淨衛生！燒肉有多種味，有清淡都有重口味嘅！我地選啲蒜味嘅肉，同唔辣嘅雞，牛肉類，覺得好唔錯！好有口感同肉味！嘆埋杯啤酒～一流！有張紙 墊底唔會燶，燒乾淨衛生！邊燒邊火鍋平衡一下口味！除左燒同火鍋仲有多款熟食，中西湯，糖水等。不得不吃依個 乳酪雪糕又香又滑！個筒脆到呢……食完一個又一個！！兩個鐘食盡好嘢！感覺滿足！好抵食！會再去！