重慶劉一手火鍋店 (已結業)

平日出開銅鑼灣有時經過呢到都好想試，今日下定決心拉埋屋企人黎打邊爐，呢到嘅火鍋湯底甚多選擇，點選左雙拼鍋底，一定要叫最有名嘅「正宗重慶麻辣鍋」！另一個揀咗唔辣嘅「滋補豬骨鍋」！叫完鍋底，係時候去醬料區，自製醬料，咁岩店員提議要加呢到自製嘅麻油，配搭麻辣鍋食最正！咁當然要試下啦！果然呢到嘅芝麻酒非常香，而且有種減底麻辣鍋嘅辣度感覺！呢到一坐底就會有魚皮贈送！招牌劉毛肚滾幾秒食得，爽口質感，配搭醬料最好食！丸拼盤A，4款丸，每款4粒，牛骨濃汁牛丸、川辣牛丸、墨魚丸、流心芝士丸，其中兩款最中意，流心芝士丸，一咬爆哂芝士漿！牛骨濃汁牛丸，勁多湯汁，但唔係爆漿牛丸果種，係愈咬愈多汁，特別！食物當然要叫牛啦！牛頸脊（手切牛肉），睇落新鮮，滾熟後無縮水，牛味重！食麻辣鍋當然要啤啤佢，藍妹生啤！