影片
更多
2022-12-22
196 瀏覽
聖誕前夕（17號）打算去搵一間omakase 試下，天氣有點涼，所以搵下有冇熱食比較多既，搵搵下就見到呢間食鐵板燒，之前睇電視就見得多，今次可以親身去體驗下。入到去個環境好大好靚，位置都好舒服，menu選擇都比一般既多，除左Set，另外可以揀刺身，壽司，天婦羅，烏冬之類。睇menu同drink list既時候會有人系隔離介紹，非常貼心。有人會覺得收你咁多錢當然會做到咁，咁我都覺得比錢就點都有服務，但個服務質素去到幾好就好睇員工本質。最後我叫左兩個推介既set,之後加左燒特大蝦，鰻魚，龍蝦刺身。呢個鴨胸串嫩滑，仲有少少油脂香呢個雞胸比想像中嫩，而且份量唔算大，我本身唔太喜歡雞胸，呢個份量岩岩好味道偏甜，但餐與餐中間慢慢飲還可以接受雖然唔係現場燒，但肉質幼嫩細滑，入口即溶，我本人喜愛鰻魚，呢個算係我食過以來既高級版。如果即燒就會成為頂級版。份量都算多，爽口彈牙，只係鮮甜味有點不足刺身都係厚切，我本人對魚生麻麻地，但呢個魚生冇筋又唔腥亦冇滑潺潺既感覺，仲有少少鮮甜入面有魚子蟹子蟹肉，味道少少鹹又少少甜加埋蟹肉好甜好彈牙望師傅好似燒好耐心諗會唔會好老，但食落又彈又滑，完全唔係想像中既柴皮，加埋
入到去個環境好大好靚，位置都好舒服，menu選擇都比一般既多，除左Set，另外可以揀刺身，壽司，天婦羅，烏冬之類。睇menu同drink list既時候會有人系隔離介紹，非常貼心。有人會覺得收你咁多錢當然會做到咁，咁我都覺得比錢就點都有服務，但個服務質素去到幾好就好睇員工本質。最後我叫左兩個推介既set,之後加左燒特大蝦，鰻魚，龍蝦刺身。
呢個鴨胸串嫩滑，仲有少少油脂香
呢個雞胸比想像中嫩，而且份量唔算大，我本身唔太喜歡雞胸，呢個份量岩岩好
味道偏甜，但餐與餐中間慢慢飲還可以接受
雖然唔係現場燒，但肉質幼嫩細滑，入口即溶，我本人喜愛鰻魚，呢個算係我食過以來既高級版。如果即燒就會成為頂級版。
份量都算多，爽口彈牙，只係鮮甜味有點不足
刺身都係厚切，我本人對魚生麻麻地，但呢個魚生冇筋又唔腥亦冇滑潺潺既感覺，仲有少少鮮甜
入面有魚子蟹子蟹肉，味道少少鹹又少少甜加埋蟹肉好甜好彈牙
望師傅好似燒好耐心諗會唔會好老，但食落又彈又滑，完全唔係想像中既柴皮，加埋個海藻汁，清清地唔會蓋過鮑魚燒完既甜味，少少烤過既香味
下面果個係天使麵整成，鬆脆加埋個汁真好惹味，蟹肉彈牙加埋個汁真係好夾
鹽焗鯛魚
師傅先用櫻花樹既葉包鯛魚之後用蛋白鹽去焗佢，焗完之後仲好細心將個魚表面既焦再煎香。味道唔會太鹹仲有葉既香味，舊魚係可以好輕易就一片片咁分開。滑得嚟仲有點魚油。我本人大鄉里一名，燒魚見得多，未見過鐵板燒都可以焗魚，仲要做到咁滑。
燒特大蝦，size接近前臂咁長，師傅將個蝦頭都燒香，入面個嫩肉比左一個超級正既汁我地點，佢話個汁有幾十種蔬菜，如果個汁用嚟伴飯就真係肥死，食一大碗飯都得，好食到不得了，真係好惹味。蝦肉都好彈牙又有少少焦香同埋有佢本身少少肉汁，燒蝦真係冇得輸。食完海鮮就附上一個梅子果凍去清清口腔，之後就食肉同炒飯
和牛薄燒入面包左天婦羅蝦，伴碟加左燒紅椒，甘旬，冬菇，露荀。味道不錯，不過我個人認為燒海鮮更勝一籌
和牛炒飯，粒粒分明，我個人口味鍾意乾身既炒飯，加埋香蔥同乾蒜片，飯粒煙韌可口，有少少焦香，天氣凍凍地有個熱飯真係零舍唔同。
食飯既同時上左一個魚湯同小量蹟物，個魚湯都煲得好濃郁，（如果用嚟襯米線又係一絕），食完成個人暖晒，好滿足
甜品就係蜜瓜配（蕃薯蓉）和果子，焦糖多士，雪糕
焦糖多士，用上白糖煮成既焦糖加在多士上，唔會太甜，外脆內軟。
雪糕分為豆腐味，培茶味，豆腐清香，培茶有少少驚喜，比想像中冇咁甜同好香培茶味。
成餐飯過程好享受，睇到師博好巧炒用鐵鏟去殼，擺盤，揮灑自如。中途仲有幾段小表演，好有心思。各方面服務態度好友善親切。當中有幾道配搭唔同既醬汁就睇得出成個設計好用心，好細緻。食材都係主要靠產地同眼光，但烹調方法就好靠師傅既經驗，而醬汁更係心機野，呢樣野冇得急冇得快，個口味夾唔夾d野食都係睇煮果個人既感覺同手勢。感謝款待。
p.s. 如果冇額外加其他野都好夠飽，兩個人加埋大概五千蚊左右，我加左龍蝦刺身，特大蝦，鰻魚，八千蚊左右。價錢都屬於中上，偶爾獎勵自己還是需要的😆。
張貼
