Gioia Charcoal Grill & Oyster Bar (已結業)

難得經過堅尼地城，就約左係果頭返工的舊同學一聚。我地去左Gioia Charcoal Grill & Oyster Bar食個簡單的lunch，餐廳裝修雅緻，燈光柔和，氣氛有格調，坐得幾舒服。午餐共有8款可揀，由最便宜的 $68至最貴的 $128都有。我地叫左意式香辣蕃茄醬長通粉同意式鼠尾草煎釀雞胸件冠巴馬火腿及野菌燒汁。沙律 - 賣相唔錯，沙律菜新鮮爽脆，食材新鮮。餐湯 – 是日餐湯係忌廉粟米湯，湯入面有未完全打溶曬嘅粟米粒，口感濃郁creamy。意式香辣蕃茄醬長通粉 – 長通粉彈牙有咬口，肉醬味濃好足料，十分開胃。意式鼠尾草煎釀雞胸件冠巴馬火腿及野菌燒汁 - 野菌燒汁惹味香濃，雞胸份量十足而且好入味，juicy軟滑又唔鞋口。