霜瀛 (已搬遷) 新店位置

今次俾我哋搵到一間好抵食嘅omakase，位於上環嘅霜瀛😍 第二位有半價🥳🥳 今次我哋揀咗霜餐，聽師傅講呢個份量啱晒我哋食😍 先來個意大利蕃茄凍，北海道白玉粟米🫡 個白玉粟米真係好鬼正，又甜又無渣👍 蕃茄酸酸甜甜開胃一流！ 食完前菜先來一隻日本生蠔開下胃，超級肥美嘅生蠔，好重海水味，鮮甜無比🥳 陸續有嚟嘅刺身，石垣貝，北極貝等等嘅貝類超級新鮮，好難得有omakase可以食到咁多貝類，更正嘅係八爪魚吸盤🥳 爽脆彈牙，成粒UFO咁好得意，因為朋友唔鍾意食八爪魚，師傅仲好貼心咁準備咗帶子俾佢添👍食完刺身再嚟一個鵝肝配日本小蘿蔔，清甜嘅蘿蔔配上肥膩嘅鵝肝，簡直絕配！完美咁樣中和👍 之後就到壽司啦，超級正嘅係大刀魚捲，加上煙燻效果，又睇得又食得🥳 好唯美！飲埋個立魚湯，超級濃郁好好味呀🫣 最後食埋個日本蜜瓜同埋焙茶雪糕餅，完美的一餐又落幕了