武士拉麵 (已結業)

岩岩喺美麗華放工, 同同事搵嘢食, 行到去成條街都係食韓國餐嘅”韓國街”, 原本打算冇其他再吸引嘅嘢食就食韓國嘢, 之後再向前行多少少, 見到間日式拉麵店, 比佢個日式招牌同埋門口介紹緊拉麵嘅電視吸引, 就入去試下入面嘅格局都好日式feel, 客人一字排開咁坐, 面向拉麵師父點餐會用點餐紙, 揀咩拉麵湯底之餘, 仲有得揀埋湯底濃度, 麵條粗幼及軟硬度, 我地揀左豬軟骨拉麵, 同埋加左隻$10溏心蛋, 價錢都算平個人覺得食拉麵最緊要個湯底正唔正, 我覺得呢間拉麵店最值得再試就係個湯底, 感覺好真材實料, 好鮮味, 仲可以加埋佢嘅特製魚油, 更加鮮味. 下次再去開尖沙咀而又想食拉麵, 值得再試, 下次想試埋佢嘅蕃茄湯底